1 ɛTimɔti 4:15 - ɛWee ne ìTsɛm iHywas

¹⁵ See ito ne mɔn nikɔn nɛnaa wo. Nang ibek mo ndɔ nibhɛ gbik te ɛrɔngɔ yaang ire ɛnu ɛyisɛ mo.

1 ɛTimɔti 4:15 ပူးပေါင်းရင်းမြစ်များ

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛTomɛ 6:4

Te njwit to njwi ne ji re ɛnu ɛyisɛ ne bol ne ɛTaanggbey ya gbik ne mɛmɛ ninyi na ne ibol ɛTaanggbey de.”

1 iKɔrɔntos 16:15

ˆƐɛ yɛɛ ɛn ɛli ninaa ne ijwee ɛTifanos nibhɛ bhɛ kɛ tsa nibhɛ teye ninaa ne roos sa ne iKaya de, nibhɛ kɛ ne nang ito nibhɛ gbik ndɔ ɛtomɛ ninyi ɛTaanggbey ya. Nzi roro ne nyinɛn nigwaa en,

2 iKɔrɔntos 4:14

Daa ɛli ne njwii yɛɛ ɛli ne ɛTaanggbey ya kaa yiisik ɛDaray ɛYɛso yegha ndɔ ne ikpuu da. Ɛ sɛ ne ma yiisik njwɛɛn gbik ne ɛYɛso gha, ɛ yɛɛs ne njwɛɛn ɛnu ɛyisɛ ɛbhɛ gbik ne nyinɛn no.

2 iKɔrɔntos 8:5

Nibhɛ ne ma yung nang iphɛ phyin ɛkɔn na ne njwi kaa i tas. Nibhɛ kaa ne tsa nibhɛ nang ɛDaray yegha irway nibhɛ nyɛɛn, nibhɛ ne ma ji nang njwi irway nibhɛ da ɛli ne ɛTaanggbey ya i sim.

1 ɛTimɔti 4:14

See ito ne mɔn ɛtomɛ ne ìnang ngga ne iKabyik ge kaa nang ngɛ wo. ìNang ngga ne kaa nang ngɛ ɛli nɛ ninyi na kaa bol ibol mo de nten de nɛ nindiinday ninaa ne roos sa kaa teesek kɛ ne ibɔ ɛwɛng ngge daa ne ito de.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.