1 ɛTimɔti 4:13 - ɛWee ne ìTsɛm iHywas

¹³ Nyɛɛn nggyi yɛɛs so, see ito ne tɔng ɛWee ne iBol ɛTaanggbey yo ndɔ ne idira ninaa ne roos de, te ɛ sanga iphɛ, ɛ mɛmɛ nibhɛ nɛ.

1 ɛTimɔti 4:13 ပူးပေါင်းရင်းမြစ်များ

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛTomɛ 6:4

Te njwit to njwi ne ji re ɛnu ɛyisɛ ne bol ne ɛTaanggbey ya gbik ne mɛmɛ ninyi na ne ibol ɛTaanggbey de.”

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 14:3

ɛNyi gha ne ɛ ne bol ivol ɛnɛbi da nang, ɛ ne bol nɛ niten nisii te ɛ byinɛ nibhɛ, ɛ te nibhɛ itsɔngɔl gɛgɛy, ɛ mɔn nibhɛ ɛkɔn na ne aa laasek nibhɛ irway.

1 iKɔrɔntos 14:6

Nigwaa en, wu nggɛ yɛɛs nzi bol ne nyinɛn ndɔ ne ilwem ba, iphɛ aa ne phyik nyini bɛ? Kwa! Naa phyik nyini wo wu nggɛ phaal nyini idɛ ibol de, hang ishweng yɔɔ, hang nggɛ bol te ɛnɛbi yɔɔ, hang nggɛ mɛmɛ nyini ne ibol ɛTaanggbey yɔɔ.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

2 ɛTimɔti 3:15

Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.