1 ɛTimɔti 4:12 - ɛWee ne ìTsɛm iHywas

¹² Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

1 ɛTimɔti 4:12 ပူးပေါင်းရင်းမြစ်များ

ɛMacu 18:10

“Wɛɛ ɛn nyini, sɔng ɛ bɛɛs ɛn ɛdɛng ndɔ ne ninɔn nishɛɛrɛng ngɛnaa wo nang. Nzi tɔng nyini, nimalɛka nibhɛ na i shɛɛ ɛlɔ ɛKyɛɛ nge daa ne irywa wo.”

1 iKɔrɔntos 11:1

Ne ɛ roos ɛn ngkɔɔl nge da ɛli ne nzi ma roos ngkɔɔl ɛKiriti da.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

1 iTasɔlɔnika 1:6

Ɛ kɛ ne te nyini ninaa ne mɛmɛ ne ihywel mos da ne ivaa ɛDaray da. Gbik ne ihywee ne nggbang ngga ne ɛ kaa sɔ ɛn no, ne ɛ say ɛn ibol de ne irway ihwala idee ne ikabyik ɛTaanggbey de iphɛ i nang.

1 iTasɔlɔnika 2:10

Nyinɛn ˆɛ so ɛn nishɛɛda mos, ɛTaanggbey ne ma soye nɛ daa ne ihywee ne ishwɛɛ da ne njwi kɛ shɛɛ ndɔ mon no ne ɛ kɛ nang ɛn ne itin nɛ wo. Njwi kɛ shɛɛ wɛwɛy, cik, wɛlɛng ɛkɔn ne tok.

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

2 ɛTimɔti 2:7

Tas daa ɛkɔn na ne nggɛ tɔng ngɛ wo, daa ɛli ne ɛDaray ya yaa nang ngɛ ishweng ngga ne ˆaa seng gbik.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

1 ɛBiturus 5:3

Sɔng ɛ tes ɛn nyini ninaa ne tɔɔsel igbɔm daa ninyi na ne ɛ hyep ɛn no nang, yang te ɛn nyini ɛkɔn ne mɛmɛ nɛ ɛlɔ nibhɛ gha.