1 ɛTimɔti 4:10 - ɛWee ne ìTsɛm iHywas

¹⁰ iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

1 ɛTimɔti 4:10 ပူးပေါင်းရင်းမြစ်များ

ɛMacu 16:16

ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛMacu 27:43

Ɛ kɛ nang ne itin nɛ ne ɛTaanggbey. Ɛ kɛ nang ne itin ne ɛTaanggbey. Te njwɛɛn yung yaang hang ɛTaanggbey ya yaa phɔt ɛbhɛ daa ɛli ne ɛɛ wu i soye ɛNgɔn ɛbhɛ gha yɔɔ.”

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

ɛYohana 4:42

nibhɛ ne yaak ɛkuk ka, Sɔng njwi kɛ nang ne itin nɛ wo daa ɛkɔn na ne ɛ kɛ mɔng njwii wo nang, njwi kɛ nang ne itin nɛ daa ɛli njwit ne ito mos, njwi kɛ phok ɛbhɛ, njwi kɛ ne ji seng ɛtsak ɛbhɛ ɛ soye ɛHaa ne Phɔt ɛZay ya.

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

2 iKɔrɔntos 1:10

ɛTaanggbey ya kaa phɔt njwi ɛnu ne iku ibebhe yɛdee wo. Aa ne phɔt njwii. Njwi kɛ ne sit ɛbhɛ ne irwisɛ daa ɛli ne ɛ sɛ ta phɔt njwii dɔng.

1 ɛTimɔti 2:3

ɛKɔn nɛghaa wo kɛ jam mɛ, iphɛ ne ma ta nang ɛTaanggbey ne Phɔt njwɛɛn na irway ihwala,

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

iBirani 11:26

Ɛ kaa kasa ncwa da ne aa sɔ ɛlɔ ɛKiriti gha phyin iryat ne iMasad de ne iyɛnɛng gbom, daa ɛli ne ɛ kaa sit irwisɛ ɛbhɛ ne iyɛnɛng ngge ne sɛ bhɛ mɔn ɛbhɛ nɛ gɔɔ ɛyisɛ gha.

iBirani 13:13

iPhɛ ɛlɛy, nɛ njwɛɛn phɛ i bhɛ sɛ ɛbhɛ ɛtsim ɛgarang nga te njwɛɛn ma bhɛ sɔ ihywee ne itowos da ne ɛ kɛ sɔ wo.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛYohana 2:2

ɛYɛso ɛKiriti gha ɛbhɛ ɛ soye itsanga de ne kɛ hap mɛ te ɛTaanggbey ya hana njwɛɛn ne ɛfɔt njwɛɛn no, sɔng ma yung so ɛfɔt njwɛɛn zɔng nang, gbik ne ɛfɔt ninaa ɛzay yo.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.