1 ɛTimɔti 3:8 - ɛWee ne ìTsɛm iHywas

⁸ ɛLɛy nɛ ninaa ne phyighis ne ɛtomɛ gha ndɔ ne idira ninaa ne roos de, iphɛ so nggbinggbing nibhɛ so ihywɛɛ, sɔng ninaa ninu ifaa nang, sɔng nikpuru ne sɔ inɛn ɛnap nang, sɔng ninaa ne tek iryat ɛbuu nang.

1 ɛTimɔti 3:8 ပူးပေါင်းရင်းမြစ်များ

iRooma 3:13

iVol nibhɛ da so ivaa ne phobho ninyi, ilwem nibhɛ da kɛ teye nikɔn ne luk ninyi. iVol nibhɛ da ne so te ncwincway ne ᐩizɔ igywebhe.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

1 ɛTimɔti 3:12

iPhɛ so nggbinggbing ɛhaa ne phyik ne ɛtomɛ gha ndɔ ne idira ninaa ne roos de so ɛnyi ne ɛ bok ɛkuk ɛdaan, ɛnyi ne ɛ yɛɛ ne boos ninɔn ɛbhɛ ne ijwee ɛbhɛ byirik.

1 ɛTimɔti 3:2

iPhɛ ne so nggbinggbing ɛndiinday ne idira ninaa ne roos sa so wɛlɛng ɛkɔn ne tok, ɛ bok ɛkuk ɛdaan. Ɛ so ihywɛɛ, ɛ kɛ wum ito ɛbhɛ, ɛ so lyaak, ɛɛ say ninaa ne kpoo, ɛɛ yɛɛ ne mɛmɛ ninyi nɛ yɛnɛng.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 5:23

Sɔng ɛ tɔ sɔ inɛn ntsii da zɔng ngo nang, sɔ ne inɛn ɛnap ba ncɛt ɛlɔ ne irway mo da gbik ne isha de ne ihywɛ tak kɛ iyɔm be cɛcɛɛy yo.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

ɛYakub 3:10

Ne ɛnu gha ne i dɛp mɛ, ne ɛbhɛ ne i ne ta towos nɛ. Aa! Nigwaa en, sɔng iphɛ kɛ jam mɛ ɛlɛ wo nang.

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.