1 ɛTimɔti 3:7 - ɛWee ne ìTsɛm iHywas

⁷ Kang nɛ nikɔn nɛnaa wo, iphɛ so nggbinggbing ɛndiinday ya soye ɛnyi ne ɛ bok ishɛɛda iyɛnɛng ndɔ ninyi, daa ɛli ne aa yung ɛ ho ndɔ ne irwa ɛShɛtan ɛ teye ɛkɔn ncwa.

1 ɛTimɔti 3:7 ပူးပေါင်းရင်းမြစ်များ

ɛMarakus 4:11

ɛYɛso gha ne kyii nɛ ɛ yaak nibhɛ, “Nyinɛn ne kɛ nang nyini ɛduk ne igbɔm ɛTaanggbey ya. Ninaa ne hame nibhɛ ne so ndɔ mon no nang, yaa ne i bol nɛ nibhɛ ndɔ ivol ne igɔrɔp.

ɛTomɛ 10:22

Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”

ɛTomɛ 22:12

“ɛDɛ ɛnyi gha ne kaa bok ɛbhɛ ɛHananiya ne yɛɛs ɛ sɛ me. ɛHananiya gha so ɛnyi gha ne ɛ roos ɛTaanggbey ye ɛli ne ɛShara ɛMuusaa gha bo wo, gbik niYahodawa na nɛ nibhɛ so ɛnggyɛ wo kaa ne i naas ɛbhɛ ne ndiinday gbom.

ɛTomɛ 6:3

iPhɛ ɛlɛy nigwaa en, ne ɛ kasa ɛn ninyi ɛniitaa ndɔ mon no nɛ nibhɛ so hyɔrɔ ne ikabyik ne ntsɛntsɛng. Nibhɛ ne njwi yaa ne yɛk nibhɛ ne ɛtomɛ ne wɛɛ ire gha.

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 iKɔrɔntos 5:12

Ɛyakɔn ɛbhɛ aa te me n bol ninaa nɛ nibhɛ sang so ndɔ ne idira ninaa ne roos ɛshara ghaa? Nzo nyinɛn ɛ sɛ bol ɛn nigwaa mon ninaa ne roos sa ɛshara gha.

2 iKɔrɔntos 6:3

Sɔng njwii sim te ɛtomɛ mos sa sɛɛ teye ɛkɔn ne ɛnyi yaa kyibhɛ nɛ nang, ɛlɔ ne yaa yung sɛ ikɛk ne bɛɛs njwii nɛ.

2 iKɔrɔntos 8:21

iCwas mos da so, te njwi mɔn ɛkɔn na ne aa jam, sɔng ɛnu ɛyisɛ ɛDaray zɔng nang, gbik ne ɛnu ɛyisɛ ninyi.

iKɔlɔsi 4:5

Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

1 iTasɔlɔnika 5:22

Shɛɛ ɛn kyaam ne gbik ɛkɔn na ne ɛ so ibebhe.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

1 ɛTimɔti 5:14

iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

2 ɛTimɔti 2:26

ɛLɛ wo ne irwisɛ nibhɛ yaa ne phaal le nibhɛ ne wuru ndɔ ne irwa ɛShɛtan da ne ɛ kɛ wum nibhɛ nɛ ɛ yɛk nibhɛ nɛ nibhɛ roos ibol ɛbhɛ de.

ɛTitus 2:5

Tɛ nibhɛ shɛɛ hywɛɛ, nibhɛ shɛɛ iwɛwɛy, nibhɛ yɛɛ ne wɛɛ idee nibhɛ. Tɛ nibhɛ teye nikuk nɛ nibhɛ bok irway ne phyik, nibhɛ roos ibol niras nibhɛ ɛlɔ ne yaa yung bɛɛs ibol ɛTaanggbey de.

ɛTitus 2:8

Mɔn ɛtomɛ ne ivol iywɛnɛng ne yaa sang sɛ yɛ ne ɛkɔn ne tok. Tɛ ninaa ne iphup mo na sɔ ncwa, ɛli ne hame nibhɛ yaa sɛ ɛkɔn ɛkpɛɛ nɛ nibhɛ yaa bol da ne ito njwɛɛn de.

3 ɛYohana 1:12

ɛDɛmɛtiriyus sa ne bok ishɛɛda iyɛnɛng ɛlɔ ninyi na gbik. iTin de ne ito ne iphɛ kɛ ma nang ishɛɛda ɛbhɛ. Njwit to njwii ne ma naas ishɛɛda ɛbhɛ de, ˆɛ ne ma ku yɛɛ ɛn wu ishɛɛda mos de so itin nɛ.