1 ɛTimɔti 3:16 - ɛWee ne ìTsɛm iHywas

¹⁶ Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

1 ɛTimɔti 3:16 ပူးပေါင်းရင်းမြစ်များ

ɛMacu 1:23

“ɛNgɔn ɛlyilyap ɛjejep sɛ say isik ɛ yɛk ɛngɔn ɛras, sɛ ne yaak ɛbhɛ ɛYima, kaabi i bo ɛTaanggbey sonɛ njwɛɛn.”

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛMacu 28:2

Ne so ɛnggyɛ wo ivel da runket gbom, daa ɛli ne ɛmalɛka ɛDaray ɛbhɛ kɛ le daa ne irywa ɛ tɔm ɛ kungare ikɛɛ ɛnu ne ikpuu de gɔɔ ɛ soos nɛ.

ɛMacu 3:16

Ne sɛ kɛ shii yɛk ɛYɛso yegha ne ibatisima, ɛ kɛ wuru ne ndɔ inɛn da, nɛ nten nɛ irywa wo ne phaal le, ne ɛ ji yaang iKabyik ɛTaanggbey de kɛ tɔm daa ɛbhɛ te ihywihywaa.

ɛMacu 4:11

ɛShɛtan na ne ji tek ɛYɛso yegha, nimalɛka ne ji yɛɛs nibhɛ phyik ɛbhɛ.

ɛMarakus 1:13

ɛYɛso gha ne shɛɛ ndɔ ɛhay ya, ɛ hɔn nituk nzuwubɔ nwaas ɛShɛtan ne i tɛrɛk ɛbhɛ. ᐩiNyam-ɛhay kaa ne so ɛnggyɛ wo, niMalɛka ɛTaanggbey kaa ne i wɛɛ ɛYɛso yegha.

ɛMarakus 16:19

Kɛ ne sɛ ɛYɛso gha kɛ taal ɛ tɔng ninɔn ne icwam ɛbhɛ na ivol lɛdaa wo gbik, ne bo ɛbhɛ i waray nɛ dak ne irywa, ɛbhɛ soos gɔɔ ne iwɔ ne irwye ɛTaanggbey.

ɛMarakus 16:5

Kɛ ne sɛ nibhɛ kɛ lel ndɔ ne ikpuu da nibhɛ ne sɛ ɛdɛ ɛngɔn ɛphas sa ɛ ne itsura ihwala hyahyak, ɛ kɛ soos gɔɔ ne iwap ne irwye ne ikpuu da. Nibhɛ ne wum ɛnik.

ɛLuka 2:32

ˆƐ so ɛwɛwɛy ne ˆaa tɔɔl ninaa ne hame nibhɛ so niSɛrɛla na irway mo.” Ne ˆɛ hante ninyi mo niSɛrɛla ne ndiinday.

ɛLuka 20:44

“ɛDoda gha kɛ yel-le ɛKiriti yegha ‘ɛDaray.’ Yaa ne mɔn ɛlii ɛKiriti gha kyii ta so ɛngɔn ɛDoda ghaa?”

ɛLuka 22:43

ɛMalɛka ne le daa ne irywa, ɛ te ɛbhɛ itsɔngɔl gɛgɛy.

ɛLuka 24:4

Nibhɛ ne wum en zii, nidɛng ninyi na ifaa ne shii wuru nibhɛ bok itsura ihwala yɛ hyahyak, nibhɛ kyinak cɛcɛk nɛ nibhɛ.

ɛLuka 24:51

Kɛ ne sɛ ɛ tɔ ne sirit nibhɛ ne ɛwɛng nga, ne ɛ tek nibhɛ i bo ɛbhɛ i wara nɛ daa ne irywa.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 13:3

ɛYɛso gha kaa ne ku i yɛɛ ɛli ne ɛKyɛɛ gha kɛ nang ɛbhɛ igbɔm daa nikɔn na gbik, ɛ ta i yɛɛ ɛli ne ɛ le daa ɛlɔ ɛTaanggbey ya, aa ne ta kyii daa ɛlɔ ɛbhɛ gha;

ɛYohana 15:26

“Sɛ́ ne sɛ ɛHaa ne iPhyik ka, ne nzɛ tom nyini nɛ ɛ le daa ɛlɔ ɛkyɛɛ gha kɛ ne yɛɛs; iKabyik ntin de ne iphɛ sɛ le ɛlɔ ɛkyɛɛ gha; iPhɛ ne sɛ ne tɔng nyini nikɔn na gbik daa ne ito nge de.

ɛYohana 16:28

Nggɛ le ɛlɔ ɛkyɛɛ gha n yɛɛs ɛzay ya; ɛlyilyɛghaa wo naa ne tek ɛzay ya n da kyii ɛlɔ ɛKyɛɛ gha.”

ɛYohana 17:5

ɛLyilyɛghaa wo ɛTaa, tɔɔrek ito-ndiinday daa mee, ito-ndiinday de ne nggaa ku bok ɛnu ɛyisɛ mo gha ɛli ne kaa tang ryɔng ɛzay ya.

ɛYohana 20:12

ne ɛ yaang nimalɛka ifaa nibhɛ bok itsura ihwala nibhɛ kɛ sooset ɛlɔ gha ne kɛɛ tek ne ibek ɛYɛso de. ɛDɛng kaa ne soos ne itiita yɛ, ɛdɛng ne ji soos itooto yɛ.

ɛYohana 6:62

Sɛɛ ne ji yɔng ɛ kɛ yaang ɛn ɛNgɔn ɛNyi gha kɛ kyii ɛ waasey daa ɛlɔ gha ne ɛ kaa le wo lɛɛ?

ɛTomɛ 1:19

iBol ne iku ɛYahuza de kaa ne shwalat ndɔ ne iYɛrushɛlɛm be gbarang, nibhɛ ne yaa yeres ihwap pɛ ne ilem nibhɛ de “iKɛdama” kaabi i bo, “iHwap neyi.”

ɛTomɛ 10:34

ɛBiturus sa ne tsa ivol ba, ne ɛ yɔngɔ, “ɛLyilyɛghaa wo nggɛ ne ji seng, sɔng ɛTaanggbey ya bok sim ito nang

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iRooma 10:18

Nzi phomos, “Nibhɛ kɛ shɛɛ tang phok ko ɛtsak ghee? Nibhɛ kɛ phok. ɛWee ne iBol ɛTaanggbey yo bo, ‘iZok ne izɔlɔs nibhɛ de kɛ bhɛ hɔn ndɔ ɛzay de gbik, ivol nibhɛ da kɛ bhɛ tuu ɛgak ɛzay yo.’ ”

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 3:4

Kwa! Sɔng ɛlɛy nang! Sɛɛ kyi yɔng wu ninyi na gbik so ninaa ne irywɛɛk, ɛTaanggbey ya ku so ɛhaa ne itin, te ɛli ne ibol ɛTaanggbey de i bo; “Te seng ncɛncɛng wu ibol mo de so itin nɛ, ɛ sɛ ne ta phoo ninyi na nɛ gbik nɛ nibhɛ sim tɛ nibhɛ sɛ bol lɛ ɛshara gha.”

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

iGalatiya 2:8

iPhɛ kɛ ɛlɛ wo daa ɛli ne ɛTaanggbey ya ne ɛ kɛ tom ɛBiturus segha ne ibol iyɛnɛng ɛbhɛ de ɛlɔ niYahodawa na, ɛbhɛ kɛ ne ma tom me ɛlɔ ninaa ne hame nibhɛ soye niYahodawa na te mbɛ tɔng nibhɛ ibol idaan nɛ.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

2 iTasɔlɔnika 1:10

Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

2 iTasɔlɔnika 2:7

iHwet ne isang-phok kɛdaa wo kɛ ne ku tsa ɛtomɛ gha gying. Gbik ne iphɛ ɛlɛy, ɛnyi gha ne ɛbhɛ ɛ ring ɛbhɛ nɛ wo yaa ne maa ring ɛbhɛ nɛ nyɛɛn ɛTaanggbey ya kyi ba ɛnyi yɛ.

1 ɛTimɔti 3:9

iPhɛ so nggbinggbing nibhɛ wum ìnang ne itin de ne kɛ phaal lo nɛ itin nɛ nibhɛ tenes izɔlɔs ne irway iywɛnɛng.

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 7:7

Sɔng iphɛ so ibol ne to irway nang, ɛndiinday ya ɛbhɛ ɛ sit ɛshɛɛrɛng nga ne ɛwɛng nga.

iBirani 8:1

ɛKɔn na ne njwii bol lo so ɛlɛ, njwɛɛn bok ɛGbaang ɛGɔm nibo ne ɛ shɛs ne ɛ kɛ soos ne iwɔ ne irwye ɛcuruu ne igbɔm ɛTaanggbey ɛHaa ne Ndiinday Gbik.

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.

1 ɛYohana 1:2

iKen nɛdee wo kaa ne phaal le njwi ne yaang. Njwi i ne naas ishɛɛda ne iphɛ njwi i ta tɔng nyini wu iphɛ iphɛ soye iKen ne inat, idee ne iphɛ kaa ku sonɛ ɛTaa gha ne ile de, iphɛ ne kɛ ne tɔɔl njwii wo.

1 ɛYohana 3:5

Ɛ ku yɛɛ ɛn wu ɛYɛso gha kaa yɛɛs te ɛ ba ɛfɔt to. Ndɔ ɛYɛso gha sɔng ɛfɔt sonɛ nang.

1 ɛYohana 3:8

Gbik ɛnyi gha ne ɛ re ɛnu ɛyisɛ ne mɔn ɛfɔt to, ɛ soye ɛhaa ɛShɛtan, daa ɛli ne ɛShɛtan na kaa ku mɔn ɛfɔt to ne ile ne ɛtum mɛ. ɛKɔn na ne ɛ kɛ te ɛNgɔn ɛTaanggbey ya yɛɛs ɛzay ya so te bunga nitomɛ ɛShɛtan na.

Nikɔn ne kɛ Phaal 17:5

Kɛ haa idɛ irywɛɛk ko ne ɛnting ngɛ so gying ne itiri ɛbhɛ de ɛlɛ, “ƐBABILA ƐNDIINDAY, ƐGYINƐ NINAA NE RE SHWAA, ƐGYINƐ NIKƆN NE ISHIS ƐZAY GBIK.”

Nikɔn ne kɛ Phaal 17:7

ɛMalɛka gha ne yaak me; “iKyee iphɛ kɛ te ˆɛ kɛ wum mɛ zii woo? Naa kpɛl lɛ ɛduk ɛkuk ka, ne ɛhaa ne inyam ma ne ɛ kɛ taay yɛwo ne ihywɛ bok itso ɛniitaa da ne igbumɛ ɛnduwubɔ da.

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.