1 ɛTimɔti 2:6 - ɛWee ne ìTsɛm iHywas

⁶ Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

1 ɛTimɔti 2:6 ပူးပေါင်းရင်းမြစ်များ

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛMarakus 1:15

Ɛ kaa ne tɔng nibhɛ, ɛ bok nibhɛ, “Nten nɛ kɛ tuu. iGbɔm ɛTaanggbey ba yek cɛcɛk! San ɛn ɛbɔk te ɛ nang ɛn ne itin nɛ ibol iyɛnɛng ngedee wo!”

ɛMarakus 10:45

Mee ɛNgɔn ɛNyi gha sɔng nggɛ yɛɛs ndɔ ɛzay ya tɛ ninyi na mɔn me nitomɛ nang. Nggɛ yang yɛɛs te mɔn ninyi na ɛtomɛ gha. N phyii nang iken nge ɛlɔ ne ikpen ninyi ba.”

ɛYohana 10:15

ɛli ne ɛKyɛɛ nge gha i yɛɛ me ma nzi yɛɛ ɛKyɛɛ gha. Nggɛ ne nang iken nge de ɛlɔ ntsabhak nge de.

ɛYohana 6:51

Mee wo ne nzo ire de ne iphɛ nang iken de ne iphɛ le daa ne irywa wo. ɛHiha ɛnyi ne ɛ kɛ ne re ire yɛdee aa ne ku i shɛɛ ɛken ishay-ishay. iRe yɛdee wo ne so ibek nge ne naa nang tɛ ninaa ɛzay ya sɛ iken de.”

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 5:6

Yaang ɛn, kaa ne ji sɛ nten nɛ kɛ shwaak ghe, nten de ne njwɛɛn kɛ tɔ iMarasha, ɛKiriti gha ne ku ɛlɔ njwɛɛn ninaa ne ɛfɔt to.

1 iKɔrɔntos 1:6

iPhɛ kɛ ne tɔɔrek wu ibol ɛKiriti de ne nggɛ tɔng nyini wo kɛ see iling ndɔ mon gbom.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFisus 3:5

Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

2 iTasɔlɔnika 1:10

Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

1 ɛTimɔti 6:15

ɛTaanggbey ya sɛ yɛk ngɛ ɛkɔn nɛghaa wo te nten de ne ɛ yaang iphɛ kɛ jam mɛ. ɛTaanggbey ya ɛbhɛ soye ɛHaa ne yaa dɛp ɛbhɛ, ɛbhɛ zɔng ɛbhɛ soye ɛhaa ne re igbɔm, ɛ soye ɛGɔm Nigɔm ne ɛDaray Nidaray,

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

ɛTitus 1:3

Kaa ne sɛ nten nɛ kɛ tuu, ne ɛ phaal itin de ndɔ ne ibol ɛbhɛ. iPhɛ ne nzi ne sanga wo, iphɛ ne kɛ tek me nɛ ne iwɔ nge lenɛ ne boote ɛTaanggbey ɛHaa ne Phɔt Njwɛɛn.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 9:12

Sɔng ɛ kaa ne bhɛ lel lenɛ nɛ neyi ninɔn ne irwandɔng nɛ ninaa ne ᐩigyol nang. Ɛ kaa ku bhɛ lel ne ɛLɔ gha ne kɛ Tul Kang i Shɛs so ɛdaan zɔng, lenɛ nɛ neyi ɛbhɛ, ɛ sɛ njwɛɛn iphɔrɔt ne inat.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

1 ɛYohana 4:10

iShwim ne itin da ne so ɛlɛ: sɔng njwɛɛn kɛ sim ɛTaanggbey yegha nang. Kwa! ɛTaanggbey ya ɛbhɛ kɛ yang sim njwɛɛn, ɛ tom ne ɛNgɔn ɛbhɛ gha, te ɛ teye ihap itsanga ne hana njwɛɛn ne ɛfɔt njwɛɛn no.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.