1 ɛTimɔti 1:9 - ɛWee ne ìTsɛm iHywas

⁹ Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 1:9 ပူးပေါင်းရင်းမြစ်များ

ɛMacu 10:21

“Ɛgwaa sɛ nang ɛgwaa ɛbhɛ i phoo ɛbhɛ, ɛKyɛɛ ne nang ɛngɔn ɛbhɛ, ninɔn na sɛ ne bɛɛs nikyɛɛ, nibhɛ te phobho nibhɛ.

iRooma 1:30

Nibhɛ so ninaa ne ivol ikpɛɛ, ninaa ne iphup ne ɛTaanggbey. Ninaa ne towos, ninaa ne tɔɔsek ito, ninaa ne hal ɛgyɛy, ninaa ne robhos ibebhe, nɛ ninaa nibhɛ sang phok ibol nikyɛɛ.

iRooma 4:13

ɛTaanggbey ya kɛ rop ìtsɛm ne ɛBaraying nga gbik ne icwaang ɛbhɛ wu sɛ nang ɛbhɛ ɛzay, sɔng daa ɛli ne ɛ kɛ roos ibol ɛshara nang, iphɛ kaa yang le daa ne ìnang ne itin nɛ ne ɛbhɛ ɛTaanggbey ya kɛ bo ɛbhɛ wu ɛ so cik.

iRooma 5:20

Kaa yɛɛs ne iMɛmɛ ɛMuusaa da te sɛ tɔɔrek ɛfɔt to kpas. Kɛ ne sɛ ɛfɔt to kɛ hantey yɛ, izɛɛng ɛTaanggbey de kɛ ne ma hantey yɛ gbom iphɛ phyin ɛli ne i mɔn ɛfɔt to.

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.

iGalatiya 3:19

iKyee iphɛ kaa ne te i yɛɛs ɛShara ghaa? Kaa hante ɛShara gha te tɔɔl ninyi wu ɛkɔn wu nibhɛ mɔn ɛfɔt. Kaa yɛɛs nɛ te kyi shɛɛ nɛ i hyep nten de ne ɛNgɔn na kɛ sim sim-mɛ ɛBaraying nga yaa tuu. Kaa nang nimalɛka ɛShara gha ne lenɛ ne ɛhaa ɛceree, ɛShara gha ne ji hɔn ɛlɔ ninyi na.

iGalatiya 5:18

Wu ɛ kɛ ne hyel ɛn ɛli ne iKabyik ge kɛ tɔɔrek nyini wo, sɔng aa ne to ɛn nyini nikpuru ɛShara gha nang.

iGalatiya 5:21

ne ɛnkyis, ishwɛɛ ziizii, ne sim ijwira ne sɔ igbuut, nɛ ɛbyin nɛ. Nzi kpɛng nyini ɛlyilyɛghaa wo, ɛli ne nggɛ ta ku kpɛng nyini wo. Nzi bo, ninyi na nibhɛ mɔn nikɔn nɛnaa nggyɛ wo, sɔng nibhɛ sɛ ne bhɛ sɛ ɛwɛng ne igbɔm ɛTaanggbey da nang.

iGalatiya 5:23

ilyaak, gbik ne wum ito. Sɔng ɛShara gha so daa nikɔn nɛ na wo nang.

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

1 ɛTimɔti 4:7

Shɛɛ kyaam ne nggbyɛrɛs ne bɛɛs ɛTaanggbey yegha gbik ne ivol ɛbuu da. Yang gbaat ito mo te ɛ shɛɛ ihywee ne ishwɛɛ ɛTaanggbey da.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 2:16

Tel ivol ɛbuu ne bɛɛs ɛTaanggbey yegha, daa ɛli ne ifɛ hanas ninyi na ne shɛɛ ishwɛɛ ne ifɛ sang so ivaa ɛTaanggbey.

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

ɛTitus 1:10

Nisas sa sonɛ gbom, nibhɛ so ninaa ivol ɛbuu, ninaa ne luk. Yang ji so ɛguu niYahodawa na nɛ nibhɛ bo wu iphɛ so nggbinggbing i hyɛghɛ icwee da nyɛɛn i kyi sɛ iphɔrɔt da.

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

ɛTitus 1:6

Te ɛndiinday ya ne soye ɛnyi ne ɛ sang ɛkɔn ne tok, ɛhaa ɛkuk ɛdaan. ɛNyi nɛ ninɔn ɛbhɛ soye ninaa ne ìnang ne itin, i sang yɛɛ nibhɛ ne igbil, ne sang roos ibol nikyɛɛ.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

iBirani 11:31

Kaa lenɛ ne ìnang ne itin de, ɛRahaba ne ɛ kaa so ɛkuk ne re shwaa ne sɛ iphɔrɔt. Sɔng ne phoo ɛbhɛ nang, daa ɛli ne ɛ kaa say ninaa ne ta ɛduk ne ivel la tɛ nitaay.

iBirani 12:16

Wɛɛ ɛn yɛnɛng, sɔng ɛdɛ mon teye ɛhaa ne ra nzangas nang, sɔng ɛdɛ mon ne teye ɛhaa ne sang phok ɛnik ɛTaanggbey yɔɔ te ɛSuwa gha ne ɛ kaa rɛp ikɔɔn ɛbhɛ de ɛlɔ ɛkyɛɛrɛng ne ire gha nang.

1 ɛBiturus 2:7

Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”

1 ɛBiturus 3:20

iKpabyik kɛdaa nggyɛ wo ne so ivaa ninaa nɛ nibhɛ kaa mbaray tang roos ibol ɛTaanggbey de, gbik ɛli ɛTaanggbey ya kaa san iyɔm nibhɛ de nten de ne ɛNuhu gha kaa ryɔng ɛgyirigyi inɛn na. Nten nɛdee nggyɛ wo, ninyi ncɛt zɔng nibhɛ kaa phɔrɔt ndɔ inɛn da. Nibhɛ kaa so ɛnaras.

1 ɛBiturus 4:18

ɛWee ne iBol ɛTaanggbey yo i bo, “Wu iphɛ sɛ sang so yɔyɔk ninyi ne hyel cik ka phɔrɔt to, ikyee iphɛ sɛ ne ji te nɛ ninyi na, nɛ nibhɛ kɛ sang roos ibol ɛTaanggbey de, nibhɛ so ninaa ne ɛfɔt ta i?”

ɛYahuza 1:15

te ɛ hyɛ ninyi na ɛshara gbik. Ɛ sɛ ne tɔɔrek ninyi na nɛ nibhɛ sang i shɛɛ ihywee ne ishwɛɛ ɛTaanggbey da nitomɛ nibhɛ na nɛ nibhɛ sang soye ninaa ɛTaanggbey ya. Ɛ sɛ ne phaasel gbik ivol ivebhe da nɛ ninaa ne ɛfɔt ta nɛ nibhɛ sang i shɛɛ ihywee ne ishwɛɛ ɛTaanggbey da kɛ bol daa ne ito ɛbhɛ de.”

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.