1 ɛTimɔti 1:5 - ɛWee ne ìTsɛm iHywas

⁵ ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛTimɔti 1:5 ပူးပေါင်းရင်းမြစ်များ

ɛMacu 12:35

ɛNyi ɛyɛnɛng nga i wuusik nikɔn niyɛnɛng ne ɛ kɛ tuma ndɔ ne irway ɛbhɛ, ɛnyi ɛbebhe gha ne wuusek nikɔn nibebhe ne kɛ tuma ndɔ ne irway ɛbhɛ.”

ɛMacu 5:8

Ninaa ɛwɛng ngaa nggyɛy nɛ nibhɛ bok irway iwɛwɛy da, daa ɛli nɛ nibhɛ sɛ ne yaang ɛTaanggbey ye.

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

ɛTomɛ 23:1

ɛBulus sa ne sit itɔrɔng ngge ne irwisɛ, ne ɛ yɔngɔ, “Nigwaa nge niSɛrɛla, izɔlɔs ne irway nge so byirik daa ɛTaanggbey ya ne nggɛ mɔn no, sɔng nzi to irway izenge wo ɛlɛ daa ɛtomɛ gha ne nggɛ mɔn no nang.”

ɛTomɛ 24:16

iPhɛ phɛ kɛ ne te nzi kyangas me nɛ te n yaang izɔlɔs ne irway so byirik, ɛnu ɛyisɛ ɛTaanggbey ya gbik nɛ niten nisii.”

iRooma 10:4

ɛKiriti gha ɛbhɛ shwaak iMɛmɛ ɛMuusaa da te gbik ɛnyi gha ne ɛ kɛ nang ne itin nɛ, te ne say ɛbhɛ wu ɛ so cik ɛnu ɛyisɛ ɛTaanggbey ya.

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

iRooma 14:15

Wu ire idɛ ne ɛ re wo kɛ te ɛgwaa mo gha bees irway, iphɛ kɛ ne tɔɔrek sɔng ishwɛɛ mo da so ivaa ne sim nigwaa nang. Sɔng ire de ne teyɛ ɛ bees ɛgwaa mo gha ne ɛKiriti gha kɛ ku ɛlɔ ɛbhɛ gha nang!

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

1 iKɔrɔntos 13:1

Nzɛ kyii yɛɛ ne bol ilwem ninyi ɛzay da ne ivaa ne nimalɛka, wu ne n sang ishwim, nggɛ ne te te irak ne iphɛ rɛrɛ zɔng, hang igin ne iphɛ ma rɛrɛ yɔɔ.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

1 ɛTimɔti 1:18

ɛTimɔti, ɛngɔn nge, nzi teesek kɛ ne ibol lɛdee wo ndɔ ne iwɔ mo ɛli ne ɛTaanggbey ya kɛ ku nang ninyi na tɛ nibhɛ bol daa ne ito mo de. Te ne lenɛ ne ˆɛ kɛ roos ibol lɛdee wo, ˆɛ yɛɛ ne ta itsom ntin de, ˆɛ ta ihywɛ yɛnɛng,

1 ɛTimɔti 1:19

ɛ bok ìnang ne itin mo de gɛy ɛ tenes izɔlɔs ne irway iywɛnɛng mo. Nidɛng ninyi na kɛ mbaray tang tenes izɔlɔs ne irway nibhɛ da, ìnang ne itin nibhɛ da kɛ ne bees se.

1 ɛTimɔti 3:9

iPhɛ so nggbinggbing nibhɛ wum ìnang ne itin de ne kɛ phaal lo nɛ itin nɛ nibhɛ tenes izɔlɔs ne irway iywɛnɛng.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

2 ɛTimɔti 1:5

Nggɛ taate ne ìnang ne itin mo da ne iphɛ so idee ne itin nɛ wo, ne iphɛ kaa tsa iphɛ so ndɔ ɛgyinɛ-ɛgyinɛ mo ɛLoos sa, ɛgyinɛ mo ɛYunis sa ta bok ko. Ngge ne nang ne itin nɛ ˆɛ ma bok iphɛ ɛlyilyɛghaa wo.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

ɛTitus 1:15

ɛLɔ ɛnyi gha ne irway ɛbhɛ da so wɛwɛy yo, gbik nikɔn na ne so wɛwɛy. ɛLɔ ɛnyi gha ne ɛ kɛ teye ɛkɔn ne ishis sa, ɛ ta sang bok ìnang ne itin de sɔng ɛdɛ ɛkɔn na ne so ɛwɛwɛy ɛlɔ ɛbhɛ nang. Daa ɛli ne irway nibhɛ da gbik ne icwas nibhɛ da kɛ ku bees se.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛBiturus 4:8

ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

2 ɛBiturus 1:7

Daa ne ihywee ne ishwɛɛ ɛTaanggbey da ne ɛ hante ɛn ne ishwim nigwaa, daa ne ishwim nigwaa da, ne ɛ hante ɛn ne ihywee ne ishwim ɛTaanggbey.

1 ɛYohana 3:10

I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.

1 ɛYohana 3:23

iKpii ɛbhɛ da ne so ɛlɛ: te njwɛɛn nang ne itin nɛ ne ɛNgɔn ɛbhɛ ɛYɛso ɛKiriti gha, te ɛrɔngɔ ta sim ɛrɔngɔ ɛli ne ɛKiriti gha kɛ yɛk njwɛɛn nɛ wo.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.