1 ɛTimɔti 1:2 - ɛWee ne ìTsɛm iHywas

² Ɛbhɛ phɛɛs ɛlɔ ɛTimɔti ne ɛ soye ɛngɔn nge ɛhaa ne itin ndɔ ne ìnang ne itin de. Te izɛɛng ne isan iyɔm gbik ne irway ne laal ne ifɛ le ɛlɔ ɛTaanggbey ne ɛ so ɛTaa gbik ne ɛDaray njwɛɛn ɛYɛso ɛKiriti shɛɛ ne igyɛ.

1 ɛTimɔti 1:2 ပူးပေါင်းရင်းမြစ်များ

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iGalatiya 1:3

Te ɛTaanggbey ya ne ɛ soye ɛKyɛɛ njwɛɛn na ne ɛDaray ɛYɛso ɛKiriti gha nang nyini izɛɛng ne irway ne laal ɛbhɛ.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

1 ɛTimɔti 1:12

N bok irway ihwala ne ɛDaray njwɛɛn ɛYɛso ɛKiriti gha, ne ɛbhɛ ɛ kɛ nang me ihwet da ndɔ ɛtomɛ yɛghaa wo. Ɛbhɛ ɛ kɛ yaang sɛ kyinak daa ne ibol nge, ɛ nang me ɛtomɛ ɛbhɛ gha.

1 ɛTimɔti 1:18

ɛTimɔti, ɛngɔn nge, nzi teesek kɛ ne ibol lɛdee wo ndɔ ne iwɔ mo ɛli ne ɛTaanggbey ya kɛ ku nang ninyi na tɛ nibhɛ bol daa ne ito mo de. Te ne lenɛ ne ˆɛ kɛ roos ibol lɛdee wo, ˆɛ yɛɛ ne ta itsom ntin de, ˆɛ ta ihywɛ yɛnɛng,

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 1:2

ɛbhɛ phɛɛs ɛlɔ ɛTimɔti ne ɛ soye ɛngɔn nge ne nzi sim. Te izɛɛng, ne san iyɔm, ne irway ne laal ne ifɛ le ɛlɔ ɛTaanggbey ne ɛ soye ɛTaa, ne ɛDaray njwɛɛn ɛYɛso ɛKiriti shɛɛ ne igyɛ.

2 ɛTimɔti 2:1

iGyɛ ne ɛngɔn nge wo, kyinak gɛgɛy ndɔ ne izɛɛng ngge ne ɛTaanggbey ya kɛ nang ngɛ ndɔ ɛYɛso ɛKiriti gha.

ɛTitus 1:4

ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.

ɛTitus 3:15

Gbik ninyi na ne mee wo nɛ nibhɛ wo i kyiisi yɛ. Kyili ninyi na nɛ nibhɛ sim njwɛɛn no, ninaa ne njwɛɛn sonɛ nibhɛ ndɔ ne ìnang ne itin de. Te izɛɛng ɛTaanggbey de shɛɛ ne nyinɛn gbik. Ɛɛy.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

2 ɛYohana 1:3

Te izɛɛng, ne san iyɔm gbik ne irway ne laal ɛTaanggbey ne ɛ soye ɛTaa gbik ne ɛYɛso ɛKiriti ne ɛ so ɛngɔn ɛTaa gha shɛɛ ne njwɛɛn, ndɔ ne itin gbik ne ishwim.

3 ɛYohana 1:4

Sɔng ɛdɛ ɛkɔn na i nang me irway ihwala da kang ɛli ne i sɛ nggɛ phok wu ninɔn nge na i hyel ndɔ ne itin de nang.

ɛYahuza 1:2

Te ɛTaanggbey nang nyini irway ne san iyɔm, ne irway ne laal gbik ne ishwim gbom.