1 ɛTimɔti 1:17 - ɛWee ne ìTsɛm iHywas

¹⁷ Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

1 ɛTimɔti 1:17 ပူးပေါင်းရင်းမြစ်များ

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛYohana 1:18

Sɔng ɛnyi kɛ ku yaang ɛTaanggbey yegha nang. ɛNgɔn ɛDaan na ne ɛ soye ɛTaanggbey ya, ne ɛ so ɛlɔ ɛKyɛɛ gha, ɛbhɛ kɛ ne te njwɛɛn seng ɛli ne ɛTaanggbey ya so.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

iRooma 1:20

Sɔng ɛTaanggbey ya, ɛli ne ɛ so wo, gbik ne igbom ne ihwet ne inat ɛbhɛ de so ɛli ne i yaang ne irwisɛ nang. Kɛ ne lenɛ ne nten de ne kɛ ryɔng ɛzay ya kɛ ne seng iTaanggbey ɛbhɛ de ndɔ nikɔn ɛzay ya wɛsɛrɛk, ninyi na ne yaang. iPhɛ ɛlɛy sɔng nibhɛ ne ta bok ɛkɔn nɛ nibhɛ yaa ta yɔngɔ nang.

iRooma 1:23

Nibhɛ kɛ sunu re ɛTaanggbey ne ndiinday yegha ntsong, ɛTaanggbey ya ne hame ɛ ku wo, nibhɛ kyi yaa re igunkyi ne iphɛ so te ɛten ɛsii ne iphɛ ku, nɛ ninon, ne inyam ɛhay gbik nɛ nikɔn ne hyel ne ibuu ntsong ngga.

iRooma 11:36

Daa ɛli ne ɛTaanggbey ya ɛbhɛ kɛ ryɔng nikɔn na gbik, Nikɔn na gbik ne sonɛ lenɛ ne ɛTaanggbey ya, nibhɛ ne ta sonɛ daa ne phok iyɛnɛng ɛbhɛ. Te ne nang ɛTaanggbey yegha ne ndiinday ishay-ishay! Ɛɛy.

iRooma 16:27

Te nang ɛTaanggbey ye ne ndiinday lenɛ ne ɛYɛso ɛKiriti gha, ɛbhɛ zɔng ɛbhɛ bok ntsɛntsɛng! Ɛɛy.

iRooma 2:10

Gbik ɛnyi gha ne ɛ mɔn iyɛnɛng ngge, sɛ ne nang ɛbhɛ ne ndiinday, ne igbom gbik ne irway ne laal, sɛ tsa nɛ niYahodawa ne ji kungus nɛ ninaa ne hame nibhɛ soye niYahodawa na.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iKɔlɔsi 1:15

ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.

iBirani 11:27

Kaa ne lenɛ ne ìnang ne itin de, ne ɛ tek ivel ne iMasad da tang ɛ sap njenjek ɛgɔm be. Ɛ kaa kyinak ne irway nviit da daa ɛli ne ɛ kaa yaang ɛkɔn na ne hame i yaang ne irwisɛ.

iBirani 2:7

ˆƐ kaa yɛk ngɛ igbɔm ɛbhɛ da taasek ivaa nimalɛka da, ne ˆɛ nang ɛbhɛ ne ndiinday gbik ne igbom,

1 ɛBiturus 5:11

ɛTaanggbey ya ɛbhɛ bok igbɔm ne ishay-ishay. Te iphɛ ne shɛɛ ɛlɛy.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

1 ɛYohana 4:12

Sɔng ɛnyi kɛ ku yaang ɛTaanggbey yegha nang; gbik ne iphɛ ɛlɛy wu ɛrɔngɔ kɛ ne sim ɛrɔngɔ gha, ɛTaanggbey ya ne i shɛɛ ndɔ njwɛɛn, ishwim ɛbhɛ da ne te hyɔrɔ ndɔ njwɛɛn no.

ɛYahuza 1:25

Te ne dɛp ɛTaanggbey yegha ne ɛbhɛ ɛ soye ɛTaanggbey ya zɔng lenɛ ne ɛDaray njwɛɛn ɛYɛso ɛKiriti ɛhaa ne phɔt njwɛɛn. Te ndiinday, ne igbom, ne ito, ne igbɔm teye ivaa ɛbhɛ, lenɛ ne ɛtum ɛzay yo, ne ɛlyilyɛghaa, gbik ne ishay-ishay! Ɛɛy.

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 19:1

ɛTsim mɛ ɛlɛy, ne n phok ɛdɛ ɛkɔn na te izok ninyi maa nɛ nibhɛ yaak ne iywel ɛ le daa ne irywa, ɛ bo, “Te dɛp ɛTaanggbey ye! iPhɔrɔt ne ndiinday ne igbɔm so ivaa ɛTaanggbey njwɛɛn da.

Nikɔn ne kɛ Phaal 19:16

Kɛ haal ne ɛtura ɛbhɛ gbik ne igbap ɛbhɛ irywɛɛk kɛwoo bɛ, “ɛGɔm ngɔm, ɛDaray nidaray.”

Nikɔn ne kɛ Phaal 19:6

ɛTsim mɛ ɛlɛy ne n da phok ɛdɛ ɛkɔn na te izok ninyi maa, te izok ɛyuus inɛn ne ɛ tel, te irywa ne tɛɛ. Ne n phok izɔlɔs sɛ bo, “Dɛp ɛn ɛTaanggbey ye! Daa ɛli ne ɛDaray ɛTaanggbey njwɛɛn na ɛbhɛ ɛ soye ɛHaa ne iTo gbik, ɛbhɛ ɛ soye ɛhaa ne re igbɔm!

Nikɔn ne kɛ Phaal 7:12

Nibhɛ bo, “Ɛɛy! Te yɔngɔ idɛp, ne ndiinday, ne ntsɛntsɛng, ne irway ihwala, ne igbom, ne ito-ndiinday, ne ihwet, soye ivaa ɛTaanggbey njwɛɛn ne ishay-ishay. Ɛɛy!”