1 ɛTimɔti 1:16 - ɛWee ne ìTsɛm iHywas

¹⁶ Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

1 ɛTimɔti 1:16 ပူးပေါင်းရင်းမြစ်များ

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”

ɛLuka 23:43

ɛYɛso gha ne kyii ɛbhɛ nɛ, ɛ yaak ɛbhɛ, “Nzi tɔng ngɛ itin nɛ, izenge wo aa bhɛ soos ɛlɔ nge daa ne ijwee ne irway ihwala wo.”

ɛLuka 7:47

iPhɛ ɛlɛy yang, nzi ne bok kɛ, kɛ ne hana ɛbhɛ ne ɛfɔt ɛbhɛ wo ne ɛbhɛ so gbom mo, daa ɛli ne ɛ kɛ ma tɔɔl me ishwim ba gbom. ɛNyi gha ne kɛ ne hana ɛbhɛ nɛ ncɛt to nang, ɛ kɛ ma tɔɔl ishwim ba ncɛt.”

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

ɛYohana 3:36

Gbik ɛnyi gha ne ɛ kɛ nang ne itin nɛ ne ɛNgɔn na, ne ɛ bok iken ne inat. ɛHaa ne ɛ kɛ ne sang phok ɛNgɔn na, sɔng ɛ sɛ ne yaang iken de nang; njenjek ɛTaanggbey yaa ne shɛɛ daa ɛbhɛ.”

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

ɛYohana 6:37

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

ɛYohana 6:40

iShwim ɛKyɛɛ nge da i bo wu ɛhiha ɛnyi gha ne ɛ kɛ yaang me ne nzo ɛNgɔn ɛTaanggbey ya, ɛ nang ne itin nɛ ne mee, aa ne bok iken ne inat. Nzɛ ne yiisik ɛbhɛ ɛtuk ne taal ɛzay ya.”

ɛYohana 6:54

ɛHiha ɛnyi ne ɛ kɛ re ibek nge de ɛ ta sɔ neyi nge na, ɛ bok iken ne inat, nzɛ ne yiisik ɛbhɛ ɛtuk ne taal ɛzay ya.

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

iRooma 6:23

I tal ɛfɔt to nɛ ne iku, izɛɛng ɛTaanggbey de ne so iken ne inat lenɛ ne ɛDaray njwɛɛn ɛYɛso ɛKiriti.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

iFisus 1:12

Ɛ kɛ kasa njwii wo te njwit niYahodawa na ne njwi kɛ tsa njwi yɛk ne irway da daa ɛKiriti gha, shɛɛ ishwɛɛ ne dɛp ito-ndiinday ɛbhɛ.

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

2 iTasɔlɔnika 1:10

Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

1 ɛBiturus 3:20

iKpabyik kɛdaa nggyɛ wo ne so ivaa ninaa nɛ nibhɛ kaa mbaray tang roos ibol ɛTaanggbey de, gbik ɛli ɛTaanggbey ya kaa san iyɔm nibhɛ de nten de ne ɛNuhu gha kaa ryɔng ɛgyirigyi inɛn na. Nten nɛdee nggyɛ wo, ninyi ncɛt zɔng nibhɛ kaa phɔrɔt ndɔ inɛn da. Nibhɛ kaa so ɛnaras.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.