1 ɛTimɔti 1:13 - ɛWee ne ìTsɛm iHywas

¹³ Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

1 ɛTimɔti 1:13 ပူးပေါင်းရင်းမြစ်များ

ɛLuka 12:47

ɛKpuru gha ne ɛɛ yɛɛ ɛkɔn na ne ɛkyɛɛ ne ijwee ɛbhɛ gha sim mo, ɛ sang mɔn no nang, ɛkyɛɛ ne ijwee ɛbhɛ gha yaa ne hal ɛbhɛ gbom.

ɛLuka 23:34

ɛYɛso gha ne yɔngɔ, “ɛTaa, hana nibhɛ nɛ, sɔng nibhɛ yɛɛ ɛkɔn na nɛ nibhɛ mɔn nang.” Nisooja na ne ji ren inɛn daa ne ibol ne itsura da, te nibhɛ seng ɛwoo ne ɛrɔngɔ yaa boos.

ɛTomɛ 22:4

Nggɛ baasek ninaa ne roos ɛNkiinɛ ɛDaray yo nggbang. Nggɛ yɛk ngɛ i phobho nibhɛ, i wumus niras nɛ nikuk kɛ gbik i bhɛ robhos nibhɛ ne ijwee ne nyang.

ɛTomɛ 3:17

“Nigwaa ɛn, nzi yɛɛ ɛ kaa mɔn ɛn ɛYɛso yegha ɛlɛ wo, daa ɛli ne nyinɛn no nɛ nindiinday mon na, sɔng ɛ kaa ɛ yɛɛ ɛn ɛkɔn na ne ɛ mɔn ɛn nang.

ɛTomɛ 8:3

ɛShawulu gha ne yaa baasek idira ninaa ne roos de nggbang gbogbom. Ɛɛ roos idee-idee ɛ wumus niras sɛ nɛ nikuk kɛ ɛ gangat nibhɛ ne ijwee ne nyang.

ɛTomɛ 9:1

ɛShawulu gha kaa ma tɔ baasek ninaa ne roos sa nggbang ngga ɛ sim ɛli ne aa phobho nibhɛ. Ne ɛ phɛ ɛlɔ ɛgɔm nibo gha,

ɛTomɛ 9:13

ɛHananiya gha ne kyii nɛ ɛ yɔngɔ, “ɛDaray, ninyi na gbom kɛ ku tɔng me ibol ɛnyi yɛdee nggyɛ wo, ɛli ne ɛ baasek ninyi mo na nggbang ngga ne iYɛrushɛlɛm be.

ɛTomɛ 9:5

ɛShawulu gha ne kyii nɛ ɛ yɔngɔ, “ɛDaray, igyɛ ɛhay?” “iZɔlɔs de ne kyii nɛ ihywɛ yɔngɔ, ‘Me n so ɛYɛso gha ne ɛ baasek me nggbang ngga.

1 iKɔrɔntos 15:9

Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

iGalatiya 1:13

Ɛ kɛ phok ɛn ihywee ne ishwɛɛ da ne nggaa so ndɔ ne roos iKpii niYahodawa da, ɛli ne nggaa baasek idira ninaa ne roos ɛTaanggbey de nggbang ngga gagak ko, nzi tɔk ɛli ne naa bees nibhɛ wo.

iFilibi 3:6

Nggɛ has irway gbom daa ne ibol ne roos ikpii ne re ntsong niYahodawa na, gbik ne baasek idira ninaa ne roos ɛKiriti yede nggbang ngga. Nggɛ ne roos ikpii ne iMɛmɛ ɛMuusaa da gbyak, sɔng nggɛ ben idɛng nang.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

iBirani 4:16

iPhɛ ɛlɛy, ne njwɛɛn shompeey cɛcɛk ne ɛcuruu ne igbɔm ɛTaanggbey ya ne irway nviit, te njwɛɛn sɛ isan iyɔm ɛTaanggbey, njwɛɛn ta sɛ izɛɛng ne ihywɛ yaa phyik njwɛɛn nten de ne njwɛɛn i tɔk iphyik ga.

1 ɛBiturus 2:10

Ne ile de, sɔng ɛ kaa so ɛn ninyi ne kɛ bo te ɛkɔn nang, ɛlyilyɛghaa wo, ne ɛ ji so ɛn ninyi ɛTaanggbey ya. Ne ile de, sɔng ɛ kaa say ɛn isan iyɔm ɛTaanggbey de nang, ɛlyilyɛghaa wo, ɛ kɛ ne say ɛn ìsan iyɔm ɛTaanggbey de.