1 ɛTimɔti 1:1 - ɛWee ne ìTsɛm iHywas

¹ ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

1 ɛTimɔti 1:1 ပူးပေါင်းရင်းမြစ်များ

ɛLuka 1:47

iKabyik nge bok irway ihwala ne ɛDaray ɛhaa ne phɔt me,

ɛLuka 2:11

iZenge wo ndɔ ɛgarang ɛgɔm ɛDoda gha, kɛ yɛk nyini ɛhaa ne phɔt ɛzay. Ɛbhɛ soye ɛDaray ɛKiriti gha.

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

1 iKɔrɔntos 1:1

ɛWee yɛwoo wo le ɛlɔ ɛBulus, ne kɛ yel-le ɛbhɛ lenɛ ne icwas ɛTaanggbey te ɛ teye ɛngɔn ne tom ɛYɛso ɛKiriti. Njwi ne so ne ɛgwaa njwɛɛn ɛSɔtɛnes.

1 iKɔrɔntos 9:17

Te sɛ yɔng nzi mɔn ɛtomɛ nge gha daa ne kasa nge, sɛ ne mɔn me iyɛnɛng. Daa ɛli ne naa ne sang yɛɛ ne kasa wo nang, nzi ne mɔn ɛtomɛ gha ne ɛTaanggbey kɛ tek me nɛ ndɔ ne iwɔ nge.

2 iKɔrɔntos 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

iGalatiya 1:1

ɛWee yɛwoo wo le ɛlɔ ɛBulus ne ɛ so ɛNgɔn ne Tom ɛYɛso ɛKiriti. Sɔng ɛnyi ɛbhɛ kɛ kasa me nang, sɔng ninyi nibhɛ kɛ ne ta nang me ɛtomɛ yɛ nang. Yang so ɛYɛso ɛKiriti gha ne ɛTaanggbey ne ɛ so ɛTaa ne ɛ kaa yiisik ɛbhɛ ne ikpuu da ɛbhɛ kɛ yel-le me.

iGalatiya 1:11

Nigwaa en, naa mɔng nyini, sɔng ɛnyi ɛbhɛ bok ibol iyɛnɛng ngge ne nggɛ tɔng nyini wo nang.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

1 ɛTimɔti 1:12

N bok irway ihwala ne ɛDaray njwɛɛn ɛYɛso ɛKiriti gha, ne ɛbhɛ ɛ kɛ nang me ihwet da ndɔ ɛtomɛ yɛghaa wo. Ɛbhɛ ɛ kɛ yaang sɛ kyinak daa ne ibol nge, ɛ nang me ɛtomɛ ɛbhɛ gha.

1 ɛTimɔti 2:3

ɛKɔn nɛghaa wo kɛ jam mɛ, iphɛ ne ma ta nang ɛTaanggbey ne Phɔt njwɛɛn na irway ihwala,

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

ɛTitus 1:3

Kaa ne sɛ nten nɛ kɛ tuu, ne ɛ phaal itin de ndɔ ne ibol ɛbhɛ. iPhɛ ne nzi ne sanga wo, iphɛ ne kɛ tek me nɛ ne iwɔ nge lenɛ ne boote ɛTaanggbey ɛHaa ne Phɔt Njwɛɛn.

ɛTitus 2:10

Sɔng nibhɛ hyel nikyɛɛ ne idee nibhɛ na ɛyi nang. Tɛ nibhɛ yang tɔɔrek wu nibhɛ so ninyi niyɛnɛng ne sɛ kyinak daa ne ibol nibhɛ. Te ne lenɛ ɛlɛ wo i yaang ndiinday ne imɛmɛ yɛdaa wo ne iphɛ so idee ɛTaanggbey ne phɔt njwɛɛn de.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

ɛTitus 3:4

Kaa ne sɛ izɛɛng ngge gbik ne ishwim ɛTaanggbey da ne ɛ soye ɛHaa ne Phɔt njwɛɛn na kɛ tɔɔl le,

ɛTitus 3:6

iKabyik ɛTaanggbey yɛdee wo ne kɛ sit njwɛɛn nɛ gbom lenɛ ne ɛYɛso ɛKiriti ne ɛ soye ɛHaa ne Phɔt njwɛɛn.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

ɛYahuza 1:25

Te ne dɛp ɛTaanggbey yegha ne ɛbhɛ ɛ soye ɛTaanggbey ya zɔng lenɛ ne ɛDaray njwɛɛn ɛYɛso ɛKiriti ɛhaa ne phɔt njwɛɛn. Te ndiinday, ne igbom, ne ito, ne igbɔm teye ivaa ɛbhɛ, lenɛ ne ɛtum ɛzay yo, ne ɛlyilyɛghaa, gbik ne ishay-ishay! Ɛɛy.