1 iTasɔlɔnika 5:9 - ɛWee ne ìTsɛm iHywas

⁹ Sɔng ɛTaanggbey ya kɛ kasa njwɛɛn te njwɛɛn sɛ sɔ nggbang ne njenjek ɛbhɛ nang. Ɛ kɛ yang kasa njwɛɛn te njwɛɛn sɛ iphɔrɔt, lenɛ ne ɛDaray njwɛɛn ɛYɛso ɛKiriti gha.

1 iTasɔlɔnika 5:9 ပူးပေါင်းရင်းမြစ်များ

ɛMacu 26:24

ɛNgɔn ɛNyi gha yaa ku ɛli ne kɛ ku haa ibol ɛbhɛ de, gbik ne iphɛ ɛlɛy iphɛ ne so ɛkɔn ne ɛnik daa ɛnyi gha ne ɛ kɛ sim ɛ rɛp ɛngɔn ɛnyi gha! Sɛɛ ma yung yɔng kɛ ku shɛɛ tang yɛk ɛnyi yɛghaa nggyɛ wo, iphɛ sɛ ne phyin ɛbhɛ ne yɛnɛng.”

ɛTomɛ 1:20

ɛBiturus sa ne re ɛnu ɛyisɛ ɛ yɔngɔ, “Kɛ ku haa ndɔ ne ɛwee ne iBol ɛTaanggbey i bo, ‘Te ijwee ɛbhɛ wo teye ihoo ne hap ɛtaba, sɔng ɛnyi tang shɛɛ nɛ ne ijwee yɛ nang.’ ” Kɛ ne ta haa i bo, “Te ɛhak ɛnyi say ɛtomɛ ɛbhɛ gha.”

ɛTomɛ 1:25

ne aa teye ɛNgɔn ne tom ma, te ɛ bo ɛlɔ ne soos ɛYahuza gha ne ɛ kɛ tek ɛ yek ghe ɛlɔ gha ne ɛ ku so ɛhaa ɛbhɛ gha.”

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

iRooma 11:30

Ne ile de, nyinɛn no ne hame ɛ so ɛn niYahodawa na, sɔng ɛ kaa ma roos ɛn ibol ɛTaanggbey de nang, ɛlyilyɛghaa wo ɛTaanggbey ya kɛ ne san iyɔm mon, daa ɛli ne sɔng niYahodawa na kɛ roos ibol ɛbhɛ de nang.

iRooma 11:7

iPhɛ ne ji so ɛli daa mɛɛ? iPhɛ so ɛlɛ, ninyi niSɛrɛla na kɛ wɔs ɛkɔn na nibhɛ kɛɛ tɔk ko, ɛbyin nɛ bɔbɔk ne ɛTaanggbey ya kɛ kasa nibhɛ bhɛ kɛ sɛ, ɛbyin nɛ kɛ ne teye ninaa ne ito ihet.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

1 iTasɔlɔnika 3:3

ɛLɔ ne nggbang ngɛdaa wo yaa yung te ɛdɛ mon ɛ tul irway. Nyinɛn no ne ito mon ˆɛ ku yɛɛ ɛn wu kɛ ku ryɔng njwɛɛn nggbang ngɛdaa wo.

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

1 ɛBiturus 2:10

Ne ile de, sɔng ɛ kaa so ɛn ninyi ne kɛ bo te ɛkɔn nang, ɛlyilyɛghaa wo, ne ɛ ji so ɛn ninyi ɛTaanggbey ya. Ne ile de, sɔng ɛ kaa say ɛn isan iyɔm ɛTaanggbey de nang, ɛlyilyɛghaa wo, ɛ kɛ ne say ɛn ìsan iyɔm ɛTaanggbey de.

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.