iPhɛ sɛ soye ɛkɔn ne irway ihwala daa nikpuru na ne ɛkyɛɛ ne ijwee nibhɛ na kɛ bhɛ kyii ɛ sɛ nibhɛ tɔ semey nibhɛ hyep po. Naa tɔng nyini, ɛkyɛɛ ne ijwee gha sɛ ne tul itsura, ɛ yɛk ghe ne itsura ne wol ire, ɛ yaak nibhɛ tɛ nibhɛ sooset, ɛ ji nang ɛrɔngɔ ire de, ɛ hyep nibhɛ, nibhɛ re.
Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”
Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.
Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”
Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.
Daa ɛli ne njwɛɛn soye ninaa ne igbey ya, te njwɛɛn ne kyii ne ihywɛɛ njwɛɛn ɛlɔ ɛdaan. Te njwɛɛn yɛk ghe ne ìnang ne itin de gbik ne ishwim ba te ɛtura ne igyɔs ne kyɛngɛ ɛgyɛy. Te njwɛɛn yɛk ghe ne sit ne irwisɛ da ne iphɛ nang iphɔrɔt da te ɛkɔn ne ito ne igyɔs.
Gbik ne iphɛ ɛlɛy, nikuk ka sɛ ne sɛ iphɔrɔt da lenɛ nɛ ninɔn nɛ nibhɛ yaak, wu nibhɛ kɛ re ɛnu ɛyisɛ ndɔ ne ìnang ne itin ne ishwim ne itul le kang, gbik ne wum ito.
Nzi ne ma ta sim tɛ nikuk ka sɛ wɛɛ en yɛnɛng daa ne igyura nibhɛ. Te nibhɛ yaak en ne itsura da ne ifɛ kɛ jam mɛ, sɔng nibhɛ kyangase ne izel ne ban ito, ne izinariya, nɛ nikɔn ne nggyɛmɛng-nggyɛmɛng, ne itsura ne ijam gbom nang,
ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.
iPhɛ ne so nggbinggbing ɛndiinday ne idira ninaa ne roos sa so wɛlɛng ɛkɔn ne tok, ɛ bok ɛkuk ɛdaan. Ɛ so ihywɛɛ, ɛ kɛ wum ito ɛbhɛ, ɛ so lyaak, ɛɛ say ninaa ne kpoo, ɛɛ yɛɛ ne mɛmɛ ninyi nɛ yɛnɛng.
iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.
iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.
iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.
Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.
Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”
Seme! Te ɛ ryɔng ɛbyin ɛkɔn na ne ɛ kɛ mak ndɔ ne ihywel ne roos mo da ne ɛ yunga ku wo, daa ɛli ne nzi yaang sɔng ihywel ne roos mo da so hyɔrɔ ɛnu ɛyisɛ ɛTaanggbey nge gha nang.