1 iTasɔlɔnika 5:24 - ɛWee ne ìTsɛm iHywas

²⁴ ɛHaa ne ɛ kɛ yel-le nyini wo, ɛ so sɛ kyinak daa ne ibol ɛbhɛ, aa ne mɔn ɛlɛ wo.

1 iTasɔlɔnika 5:24 ပူးပေါင်းရင်းမြစ်များ

2 iTasɔlɔnika 3:3

ɛDaray ne so sɛ kyinak daa ne ibol ɛbhɛ. Aa nang nyini ihwet, ɛ ta kyɛngɛse nyini ɛlɔ ɛShɛtan na, ɛBebhe gha.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

2 ɛTimɔti 2:13

Wu njwɛɛn sang ìnang ne itin, aa ne jung bok ìnang ne itin de, daa ɛli ne sɔng aa mbaray ito ɛbhɛ nang.

ɛYohana 3:33

Gbik ɛnyi gha ne ɛ kɛ ne say ibol ɛbhɛ de nang, ɛ kɛ ne sim ɛtsak wu ɛTaanggbey ya so ɛhaa ne itin nɛ.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

ɛMacu 24:35

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

iGalatiya 1:15

Kaa ne lenɛ ne izɛɛng ɛTaanggbey de ɛ kaa ne ku kasa me ɛli ne kɛ tang yɛk me, ne ɛ ji yel-le me nten de ne ɛ kɛ sim.

iRooma 8:30

Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.

ɛYohana 1:17

Kɛ lenɛ ne ɛMuusaa ne nang ɛShara gha; kɛ ne ji lenɛ ne ɛYɛso ɛKiriti gha ne nang izɛɛng ne itin de.

iRooma 9:24

Njwɛɛn ne ma so ndɔ ninaa ne ɛTaanggbey ya kɛ yel-le wo, sɔng niYahodawa zɔng nang, gbik nɛ ninaa ne hame nibhɛ soye niYahodawa na.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.