1 iTasɔlɔnika 5:22 - ɛWee ne ìTsɛm iHywas

²² Shɛɛ ɛn kyaam ne gbik ɛkɔn na ne ɛ so ibebhe.

1 iTasɔlɔnika 5:22 ပူးပေါင်းရင်းမြစ်များ

iRooma 12:17

Wu ɛnyi gha kɛ mɔn nɛ ibebhe, sɔng ɛ tal ɛbhɛ nɛ ne ibebhe ɛbhɛ de nang. Wɛɛ nyini hywɛɛ te ɛ mɔn ɛn ɛkɔn na nɛ ninyi na gbik i yaang ɛ kɛ jam.

1 iKɔrɔntos 8:13

iPhɛ ɛlɛy, wu ire de iphɛ ne te ɛgwaa gha ne ɛ so ɛhaa ne roos sa mɔn ɛfɔt to, sɔng na ne tang re inwam nang, ɛlɔ ne naa yung te ɛdɛ ɛgwaa gha ne ɛ so ɛhaa ne roos sa mɔn ɛfɔt.

2 iKɔrɔntos 6:3

Sɔng njwii sim te ɛtomɛ mos sa sɛɛ teye ɛkɔn ne ɛnyi yaa kyibhɛ nɛ nang, ɛlɔ ne yaa yung sɛ ikɛk ne bɛɛs njwii nɛ.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

1 iTasɔlɔnika 5:21

Yang phɔwɔ ɛn nikɔn na gbik, te ˆɛ boos ɛn ɛhaa ne ɛ kɛ jam.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

ɛYahuza 1:23

Phɔt ɛn ɛbyin nɛ te ˆɛ kɛ tul ɛn nibhɛ ndɔ ne igboo. Te ˆɛ san ɛn iyɔm ɛbyin nɛ ndɔ ne ɛnik ɛTaanggbey, ˆɛ phok ɛn ishis ne itsura nibhɛ da nɛ nibhɛ kɛ bees ne ihyop ne ibek nibhɛ de.