Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 iTasɔlɔnika 5:21 - ɛWee ne ìTsɛm iHywas

21 Yang phɔwɔ ɛn nikɔn na gbik, te ˆɛ boos ɛn ɛhaa ne ɛ kɛ jam.

အခန်းကိုကြည့်ပါ။ ကော်ပီ




1 iTasɔlɔnika 5:21
40 ပူးပေါင်းရင်းမြစ်များ  

“iKyee iphɛ kɛ te ˆɛ sang tas ɛn, ˆɛ seng ɛn ɛkɔn na ne ɛ kɛ jam mɛ ɛ sɛ mɔn ɛn noo?


Shɛɛ ɛn ndɔ mee, naa ne ma shɛɛ ndɔ mon. Sɔng idɛ ilywaak ko i yɛk ikpam ba nggenggerey yang, iphɛ so nggbinggbing ifɛ shɛɛ ɛhon ne inabi gha. ɛLɛy ne iphɛ so, sɔng aa yɛk ɛn ikpam ba tang ɛ so ɛn ndɔ me wo nang.”


ɛYɛso gha ne yaak niYahodawa na nɛ nibhɛ kɛ nang ne itin nɛ ne ɛbhɛ wo, “Wu ɛ kɛ wum ɛn ibol nge de, ne ɛ ji so ɛn ninɔn ne icwam nge na ntin nɛ.


Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.


Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”


niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.


Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.


Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.


iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.


ɛHay ɛbhɛ sɛ yɛɛ ne seng icwas ne irway ɛhak ɛnyi kang ne ikabyik ɛnyi yɛɛ? Ɛlɛy ne iphɛ so, sɔng ɛnyi sɛ yɛɛ ne seng icwas ɛTaanggbey da kang ne iKabyik ɛTaanggbey de nang.


iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.


Mɔn ɛn gbik ɛkɔn na ne ˆaa mɔn ɛn, te ˆɛ mɛmɛ ɛn ne ɛkɔn na ne aa nang ɛDaray yegha irway ihwala.


ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.


ɛGbaang ɛkɔn nɛ so, ɛlɔ gha ne njwɛɛn kɛ bhɛ tuu te re ɛnu ɛyisɛ ne nɛ ɛlɔ yɛ.


ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.


Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.


Shɛɛ ɛn kyaam ne gbik ɛkɔn na ne ɛ so ibebhe.


iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.


ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.


iHywee ninyi yɛdee nggyɛ wo i talane nibhɛ leesel ne idee ninyi tɛ nibhɛ luk nikuk nɛ nibhɛ so kyɔkyɔt ne ɛfɔt kɛ sɔ ito nibhɛ, ihyop igywebhe ta bok ihwet daa nibhɛ.


ɛLɛzɛnda gha, ne ɛ soye ɛtuu gha, kɛ bees me nɛ gbom. ɛDaray ɛbhɛ yaa ne tal ɛbhɛ nɛ ne ɛkɔn na ne ɛ kɛ mɔn me nɛ wo.


Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.


Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.


Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.


ɛKɔn na ne nzi sim ne nyinɛn no so ɛlɛ, ku boos ɛn ibol de ne ɛ bok ɛn no n phyii yɛɛs.


N yaaso, sɔng ne bees nten nang. iPhɛ ɛlɛy ne ɛ wum ɛkɔn na ɛ bok ko gɛgɛy ɛlɔ ne ɛdɛ ɛnyi yaa yung phɔt ɛkɔn ne ito ne igbɔm ɛwɛng mo gha ne ɛ kɛ re wo.


iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ