1 iTasɔlɔnika 5:2 - ɛWee ne ìTsɛm iHywas

² Daa ɛli ne nyinɛn no, ˆɛ yɛɛ ɛn ntsɛntsɛng wu ɛtuk ɛDaray ya sɛ yɛɛs te ɛhaa ɛyi ne ɛ yɛɛs ne ɛtuk.

1 iTasɔlɔnika 5:2 ပူးပေါင်းရင်းမြစ်များ

Nikɔn ne kɛ Phaal 16:15

Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.

ɛMacu 25:13

iPhɛ ɛlɛy, ne ɛ shɛɛ ɛn ɛkanang ngɛdaa ɛli ne sɔng ɛ yɛɛ ɛn ɛtuk kɛ ne nten nɛ nang.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

1 iTasɔlɔnika 5:4

Nigwaa en, sɔng ne ˆɛ so ɛn ɛlɛ wo nang. Sɔng ɛ so ɛn ndɔ gbyik ne ɛtuk kɛghaa nggyɛ wo sɛ ma sɛ nyini dirik te ɛhaa ɛyi gha nang.

2 iTasɔlɔnika 2:2

sɔng ɛ shii te ɛn buruburu ɛ kpaate ɛn ndɔ ne irway mon daa ne idɛ bol de ne iphɛ kɛ yaak nyini wu ɛtuk ɛDaray ɛYɛso gha kɛ ku tuu nang. Yaa rɔk ɛdɛ ɛnyi gha sɛ boote ɛlɛ wo, hang ndɔ ne ibol yɔɔ, hang ndɔ ne ikabyik yɔɔ, hang ndɔ ne ɛwee yɔɔ, ɛ yɔng wu iphɛ le ɛlɔ mos.