1 iTasɔlɔnika 5:14 - ɛWee ne ìTsɛm iHywas

¹⁴ Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

1 iTasɔlɔnika 5:14 ပူးပေါင်းရင်းမြစ်များ

ɛMacu 12:20

Sɔng ɛ sɛ́ ne tsemele iriraat ne iphɛ kɛ te gubhut nang. Sɔng ɛ sɛ́ ne rim igboo wo ne ifɛ kuusey yo nang. Ɛ sɛ́ maa i mɔn ɛlɛ wo phyii bhɛ hɔn nten ne shwaak ibol ne iphɔrɔt de.

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

ɛTomɛ 20:27

daa ɛli ne nggɛ tɔng nyini gbik nikɔn na ne ɛTaanggbey ya sim te ɛ sɛ seng ɛn.

ɛTomɛ 20:31

iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.

ɛTomɛ 20:35

Ndɔ nikɔn na ne nggɛ mɔn, nggɛ tɔɔrek nyini wu iphɛ so nggbinggbing ɛ mɔn ɛn ɛtomɛ gbom te ɛ sɛ ɛ phyik ɛn nitaasek. Kaabi ɛ tas ɛn ne ibol ɛDaray ɛYɛso de ne iphɛ bo, ‘ɛNyi gha ne ɛ kɛ nang ngo, ɛ bok ɛwɛng ɛ phyin ɛhaa ne kɛ nang ɛbhɛ wo.’ ”

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

1 iKɔrɔntos 4:14

Sɔng nggɛ haa nyini nɛ te n bak nyini ncwa nang, nzi yang kpɛng nyini daa ɛli ne ɛ so ɛn nyini ninɔn nge ninaa ne nzi sim.

1 iKɔrɔntos 8:7

Gbik ne iphɛ ɛlɛy, sɔng gbik ninyi na ne bok ishweng ne itin ne ibol lɛdee wo nang. Lenɛ ne ibol ne ire de nɛ nibhɛ naas igunkyi de nang, i ne sɛ nibhɛ kɛ re ihywee ne ire yɛdee nggyɛ wo, nibhɛ ne jung i wɛɛ te ire igunkyi de nɛ nibhɛ kɛ re, daa ɛli ne izɔlɔs ne irway nibhɛ i jung to, daa ɛli nɛ nibhɛ kyi tɔ kyɔkyɔt, nibhɛ ne yaa wɛɛ tɛ nibhɛ kɛ te kpɛɛ.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

2 iTasɔlɔnika 3:15

Gbik ne iphɛ ɛlɛy, sɔng ne ˆɛ bo ɛn ɛbhɛ te ɛhaa ne iphup mon nang, yang bol ɛn ne ɛbhɛ te ɛgwaa.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

ɛTitus 1:10

Nisas sa sonɛ gbom, nibhɛ so ninaa ivol ɛbuu, ninaa ne luk. Yang ji so ɛguu niYahodawa na nɛ nibhɛ bo wu iphɛ so nggbinggbing i hyɛghɛ icwee da nyɛɛn i kyi sɛ iphɔrɔt da.

ɛTitus 1:6

Te ɛndiinday ya ne soye ɛnyi ne ɛ sang ɛkɔn ne tok, ɛhaa ɛkuk ɛdaan. ɛNyi nɛ ninɔn ɛbhɛ soye ninaa ne ìnang ne itin, i sang yɛɛ nibhɛ ne igbil, ne sang roos ibol nikyɛɛ.

iBirani 12:12

iPhɛ ɛlɛy, sɔng ne ˆɛ shɛɛ ɛn kyɔkyɔt to nang, te ɛn irum ne kparat mon da gɛgɛy.

iBirani 13:3

Taate ɛn nɛ ninaa nɛ nibhɛ so ne ijwee ne nyang ngo te ˆɛ so ɛn ne inyang ngge nɛ nibhɛ. Ne ˆɛ ta taate ɛn nɛ ninaa nɛ nibhɛ sɔ nggbang ngga te ɛ sɔ ɛn nggbang ngga nɛ nibhɛ.