1 iTasɔlɔnika 5:13 - ɛWee ne ìTsɛm iHywas

¹³ Nang ɛn nibhɛ ne ndiinday gbom te ˆɛ sim ɛn nibhɛ ɛlɔ ɛtomɛ yɛghaa nggyɛ wo nɛ nibhɛ i mɔn no. Shɛɛ ɛn ncaang ndɔ mon no.

1 iTasɔlɔnika 5:13 ပူးပေါင်းရင်းမြစ်များ

ɛMacu 10:40

“ɛNyi gha ne ɛ kɛ say nyini, me ne ɛ kɛ ne say, ɛnyi gha ne ɛ kɛ ne say me wo, ɛ kɛ ne say ɛnyi gha ne ɛbhɛ kɛ tom me wo.

ɛMarakus 9:50

“Ngkal ba kɛ jam, yaa ne sɛ mpɛ kɛ bees se yaa ne tang ryɔng mpɛ ne ikyee? Ne ɛ boos ɛn ìtsɛm be ne ihywɛ so nggɔnggɔɔt te ngkal ndɔ mon no. Ne ɛ shɛɛ ɛn ncaang nɛ nigwaa mon na.”

ɛYohana 15:17

ɛBɛ ɛbhɛ ne so ikpii nge da: Sim ɛn nyini.”

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

iGalatiya 4:14

iSha nge de ka ne teye nyini ɛgbaang ɛkɔn ne tak iyɔm, gbik ne iphɛ ɛlɛy, sɔng ɛ kaa ne bɛɛs ɛn me nang, sɔng ɛ kaa mbaray ɛn nyini mɛɛn nang. Ɛ kaa ne yang say ɛn mɛɛn te ɛmalɛka ne ɛ le daa ne irywa. Ɛ kaa say ɛn mɛɛn te ɛli ne ɛ sɛɛ say ɛYɛso ɛKiriti gha ne ito ɛbhɛ.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

iFisus 4:3

Mɔn ɛn gbik ɛkɔn na ne ˆaa mɔn ɛn te ˆɛ shɛɛ ɛn ishwɛɛ ne byinki ito da ne iKabyik ge ne kɛ nang nyini wo lenɛ ne irway ne laal da ne ifɛ kɛ byinki nyini wo.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

2 iTasɔlɔnika 3:16

Te ɛDaray ya ne ito ɛbhɛ, ne ɛ soye ɛhaa ne irway ne laal la nang nyini irway ne laal cɛcɛɛy ndɔ ne nikɔn na gbik. Te ɛDaray ya shɛɛ ne nyinɛn gbik.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

ɛYakub 3:18

I sɛ ninyi na kɛ shɛɛ ncaang nibhɛ tup ncaang, nibhɛ ne pha icik.