1 iTasɔlɔnika 5:12 - ɛWee ne ìTsɛm iHywas

¹² Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

1 iTasɔlɔnika 5:12 ပူးပေါင်းရင်းမြစ်များ

ɛLuka 10:7

Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛYohana 4:38

Nggɛ tom nyini te ɛbhɛ pha ɛn ire ne hame nyinɛn ɛ kɛ tubhus ɛn. Nidɛng nibhɛ kaa sɔ nggbang ngɛ, nyinɛn ɛ kɛ ne ji pha ɛn ilong nibhɛ de.”

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 20:35

Ndɔ nikɔn na ne nggɛ mɔn, nggɛ tɔɔrek nyini wu iphɛ so nggbinggbing ɛ mɔn ɛn ɛtomɛ gbom te ɛ sɛ ɛ phyik ɛn nitaasek. Kaabi ɛ tas ɛn ne ibol ɛDaray ɛYɛso de ne iphɛ bo, ‘ɛNyi gha ne ɛ kɛ nang ngo, ɛ bok ɛwɛng ɛ phyin ɛhaa ne kɛ nang ɛbhɛ wo.’ ”

iRooma 16:12

Kyili ɛn mɛɛn, ɛTirifɛna ye gbik ne ɛTirifɔsa, nikuk kɛnaa nggyɛ wo kɛ mɔn ɛtomɛ ɛDaray ya gbom. Nɛ ta kyili ɛn mɛɛn ɛPɛrisis se ɛdɛ ɛkuk ka ne nggɛ sim ɛbhɛ, ɛ kɛ mɔn ɛtomɛ ɛDaray ya gbom.

iRooma 16:6

Kyili ɛn mɛɛn ɛMɛri ye ne ɛ kɛ mɔn ɛtomɛ gbom ɛlɔ mon.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 16:16

roos ɛn ibol ninyi yɛdee nggyɛ wo gbik nɛ ninaa ɛtomɛ mos sa.

1 iKɔrɔntos 16:18

Nibhɛ kɛ nang me irway ihwala gbik ne nyinɛn no, ihywee ninyi yɛdee nggyɛ wo, iphɛ jam mɛ sɛɛ nang nibhɛ ne ndiinday.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 5:9

ɛKɔn na ne ɛ phyin gbik, njwɛɛn i phyin sim te ɛ sɛɛ phok iyɛnɛng njwɛɛn, hang ndɔ ne ibek ɛzay yɛdee wo yɔɔ, hang ndɔ ne idee ɛdaa ne irywa de yɔɔ.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 4:11

iBol mon de tak me iyɔm. Sɛ tɛrɛk ya bo wu ɛtomɛ nge gha ne nggɛ mɔn no ndɔ mɔn yaa te buu ye?

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

iFilibi 2:19

Wu ɛDaray ɛYɛso gha kɛ sim, nggɛ yɛk ne irway nzi tas te nzɛ tom ɛTimɔti ye ɛlɔ mon na ndɔ ne nituk kɛnaa wo, te ibol mon de hante ne te me itsɔngɔl gɛgɛy.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

1 ɛTimɔti 5:1

Sɔng ˆɛ sit ɛhelem ma ne ɛbung nang. Yang bol ne ɛbhɛ hywɛɛ te ɛkyɛɛ mo. Boos ɛngɔn ɛphas sa te ɛgwaa mo,

1 ɛTimɔti 5:20

Ne ninaa nindiinday ne idira ninaa ne roos sa nɛ nibhɛ ne tɔ re ɛnu ɛyisɛ ne mɔn ɛfɔt to nang, nep nibhɛ kpas ɛnu ɛyisɛ ninyi na te ɛbyin nɛ yaang ɛ wum ɛnik.

2 ɛTimɔti 2:6

ɛHaa ne hap ihwap ririk ka, iphɛ kɛ jam mɛ ɛbhɛ ɛ sɛ tsa ɛ phɔwɔ ire ne ihwap ɛbhɛ de.

ɛTitus 1:3

Kaa ne sɛ nten nɛ kɛ tuu, ne ɛ phaal itin de ndɔ ne ibol ɛbhɛ. iPhɛ ne nzi ne sanga wo, iphɛ ne kɛ tek me nɛ ne iwɔ nge lenɛ ne boote ɛTaanggbey ɛHaa ne Phɔt Njwɛɛn.

ɛTitus 1:5

Nggɛ tek kɛ ne ikop inɛn ne iKɛrɛt de te ˆɛ ryɔng ɛbyin ɛtomɛ gha ne ɛ kɛ mak ko, te ˆɛ ta yaak nɛ nindiinday ne idira ninaa ne roos ndɔ nigarang nga gbik ɛli ne ngga ku tɔng ngɛ wo.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 2:12

Haa ɛmalɛka ne idira ninaa ne roos ne iBirigamu de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok ɛwal ninu ifaa ne ɛbhɛ re gbom mo.

Nikɔn ne kɛ Phaal 2:18

Haa ɛmalɛka ne idira ninaa ne roos ne iTiyatira de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ so ɛNgɔn ɛTaanggbey ya, ne irwisɛ ɛbhɛ da i tol te ilem ne igboo wo, ita ɛbhɛ de ta i tol hyahyak te igyɔs de ne i bok ihywɛ itagula de ne kɛ phan no.

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

Nikɔn ne kɛ Phaal 2:8

Haa ɛmalɛka ne idira ninaa ne roos ne iSimirina de nɛ te ˆɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛbhɛ ɛ so ɛYisɛ yɛ ne ɛTsim mɛ wo, ɛnyi gha ne ɛ kɛ ku ɛ kyii ta so ɛken na.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.

Nikɔn ne kɛ Phaal 3:7

Haa ɛmalɛka ne idira ninaa ne roos ne iFiladafiya na nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ kɛ tul le kang ɛ so ɛhaa ne itin na. ɛNyi gha ne ɛyaaya igbɔm ɛGɔm ɛDoda gha, ne i sɛ ɛ kɛ phaal ɛhak ɛnyi gha sang yɛɛ ne gangke wo, ne sɛ ɛ kɛ gangke wo ɛhak ɛnyi gha sang ta yɛɛ ne phaal lo.