1 iTasɔlɔnika 5:11 - ɛWee ne ìTsɛm iHywas

¹¹ iPhɛ ɛlɛy, te ɛrɔngɔ ne te ɛrɔngɔ itsɔngɔl gɛgɛy, te ɛrɔngɔ ryɔng ɛrɔngɔ ɛli ne ɛ ku mɔn ɛn no.

1 iTasɔlɔnika 5:11 ပူးပေါင်းရင်းမြစ်များ

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

1 iKɔrɔntos 10:23

“Kɛ sim njwɛɛn nɛ te njwɛɛn mɔn nikɔn na gbik,” sɔng gbik nikɔn na kɛ ne jam njwɛɛn nɛ nang. “Kɛ sim njwɛɛn nɛ te njwɛɛn mɔn nikɔn na gbik,” Sɔng gbik nikɔn na ne ji bok iphyik nang.

1 iKɔrɔntos 14:12

ɛLɛy ne iphɛ ne ma so ɛlɔ mon na. ɛLi ne ɛ bok ɛn ihyop ne izɛɛng ne iKabyik ɛTaanggbey de, ne ɛ see ɛn ito te ɛ nang ɛn ihwet mon daa ne izɛɛng ngge ne ihywɛ byinɛ idira ninaa ne roos de.

1 iKɔrɔntos 14:29

Tɛ ninyi ifaa hang itwat yɔɔ, ne kɛ nang nibhɛ ibol ɛTaanggbey de ne bol te ɛnɛbi, tɛ ɛbyin nɛ ne ji tɛɛsek ɛkɔn na nɛ nibhɛ bol lo.

1 iKɔrɔntos 14:5

Ɛɛy, nzi sim te gbik mon ɛ sɛ bol ɛn ne ilwem ba, nzi ne phyin sim te ɛ sɛ bol ɛn ivol ɛnɛbi da. ɛNyi ne bol ivol ɛnɛbi da phyin ɛhaa ne bol ilwem ba, wu ɛhak ɛnyi kɛ sang kpɛl ɛkɔn na ne kɛ bol ndɔ ne ilwem ba te iphɛ phyik idira ninaa ne roos de.

2 iKɔrɔntos 12:19

Sɔng ɛ yung wɛɛ ɛn te njwii mɔn nikɔn na te njwi kyɛngɛse itso mos ɛlɔ mon na nang. ɛTaanggbey ɛbhɛ ɛ so ɛshɛɛda mos wu itin nɛ ne njwii tɔng ɛli ne ɛKiriti sɛɛ tɔng, te njwi byinɛ nyini ne njwii sim.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

iFisus 4:16

Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

iFisus 4:29

Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.

1 iTasɔlɔnika 4:10

ɛTsak, nyinɛn ninaa ne ivel ne iMakyidɔniya na gbik, ɛrɔngɔ i sim ɛrɔngɔ. Gbik ne iphɛ ɛlɛy nigwaa en, njwii ne bok nyini te ˆɛ hante ɛn nɛ gbom.

1 iTasɔlɔnika 4:18

iPhɛ ɛlɛy, ne ɛ laasek ɛn itso mon irway ne ibol lɛdee wo.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

iBirani 3:13

Ne ɛ tes ɛn itso mon itsɔngɔl gɛgɛy cɛcɛɛy. Mɔn ɛn ɛlɛ wo nten de ne ɛ so ɛn niken “iZenge,” ɛlɔ ne ɛfɔt to ya yung luk ɛdɛ mon irway ɛbhɛ te gɛgɛy.

2 ɛBiturus 1:12

iPhɛ ɛlɛy, naa ne i tas nyini nɛ nikɔn nɛnaa wo cɛcɛɛy, gbik ɛli ne ɛ jung yɛɛ ɛn nibhɛ wo, ɛ kɛ ta kyinak ɛn gɛgɛy daa ne itin de ne ɛ kɛ say ɛn no.

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.