1 iTasɔlɔnika 4:8 - ɛWee ne ìTsɛm iHywas

⁸ iPhɛ ɛlɛy gbik ɛnyi gha ne ɛ kɛ ne mbaray ibol lɛdee wo, sɔng ɛten ɛsii ne ɛ kɛ ne mbaray nang. Ɛ kɛ mbaray ɛTaanggbey ye ne ɛbhɛ ɛ naas nyini iKabyik iKang Ɛbhɛ de.

1 iTasɔlɔnika 4:8 ပူးပေါင်းရင်းမြစ်များ

ɛLuka 10:16

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ kɛ bhɛ phok nyini, mee ne ɛ kɛ phok. ɛNyi gha ne ɛ kɛ bhɛ mbaray nyini, mee wo ne ɛ kɛ mbaray. ɛNyi gha ne ɛ kɛ mbaray me wo, ɛ kɛ ne mbaray ɛnyi gha ne ɛ kɛ tom me wo.”

ɛYohana 12:48

ɛHaa ne hyɛ ɛshara gha sɔ nɛ ne ɛ sɛ hyɛ ninaa nɛ nibhɛ kɛ mbaray ibol nge de nibhɛ ta mbaray me wo. iBol nge de ne nzi bol lo iphɛ phɛ sɛ hyɛ nibhɛ ɛshara gha ɛtuk ne taal ɛzay ya.

ɛTomɛ 13:41

‘Phok ɛn, nyinɛn no ne ɛ sɛ ɛn ɛTaanggbey yegha, ˆaa wɛɛ ɛn zii ne ɛ kus ɛn, daa ɛli ne naa mɔn ɛdɛ ɛkɔn na nten mon de. ɛKɔn na ne hame ˆaa nang ɛn ne itin nɛ wu ɛnyi kɛ ma yung mɔng nyini.’ ”

iRooma 5:5

Sɔng iyɛk ne irway da yaa ne te buu nang, daa ɛli ne ɛTaanggbey ya kɛ sit ishwim ɛbhɛ da ndɔ ne irway njwɛɛn da lenɛ ne iKabyik ɛTaanggbey de ne ɛTaanggbey ya kɛ nang njwɛɛn.

1 iKɔrɔntos 2:10

Ne so njwit ne ɛTaanggbey kɛ ne tɔɔrek nikɔn nɛnaa wo lenɛ ne iKabyik ɛbhɛ. iKabyik ge phɛ phɛl nikɔn na gbik, iphɛ phyii bhɛ phɛl nikɔn ɛTaanggbey ya nɛ nibhɛ so kyukyum.

1 iKɔrɔntos 7:40

Gbik ne iphɛ ɛlɛy, icwas nge ne bok me wu ɛkuk ka yaa phyin ne irway ihwala wu ɛ kɛ shɛɛ ɛli ne ɛ so wo. Nggɛ boote ɛlɛ wo daa ɛli ne nzi yaang te n bok iKabyik ɛTaanggbey.

2 iKɔrɔntos 1:22

ɛTaanggbey ya kɛ yɛk njwɛɛn ne ɛlamba ne aa tɔɔrek wu njwɛɛn soye ninaa ɛbhɛ. Ɛ kɛ ne nang njwɛɛn iKabyik ɛbhɛ ndɔ ne irway njwɛɛn, te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

2 ɛBiturus 1:21

Daa ɛli ne sɔng ivol ɛnɛbi da i le ne icwas ɛten ɛsii nang, ninyi na kaa yang bol ivol ɛTaanggbey da lenɛ ne iKabyik ɛTaanggbey ne iphɛ kaa so ndɔ nibhɛ.

1 ɛYohana 3:24

Ninaa nibhɛ roos ikpii ɛTaanggbey da i shɛɛ ndɔ ɛTaanggbey ya, ɛTaanggbey ya ne maa shɛɛ ndɔ nibhɛ. ɛLɛ wo ne njwɛɛn i seng wu ɛ shɛɛ ndɔ njwɛɛn no: njwɛɛn i seng lenɛ ne iKabyik ne ɛ kɛ nang njwɛɛn.

ɛYahuza 1:8

Ɛlɛy nɛ ninaa ne mɔn ibebhe na ne bo wu kɛ tɔɔl en ndɔ nibok, nibhɛ ne jii bees ibek nibhɛ, nibhɛ mbaray tang roos ibol ne igbɔm, nibhɛ ta i bol ivol ne bɛɛs daa nikɔn niken ɛdaa ne irywa ne kɛ tul kang.