1 iTasɔlɔnika 4:5 - ɛWee ne ìTsɛm iHywas

⁵ Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

1 iTasɔlɔnika 4:5 ပူးပေါင်းရင်းမြစ်များ

ɛMacu 6:32

Nikɔn nɛnaa wo nɛ ninyi na nɛ nibhɛ doo ɛTaanggbey yegha tɔk. ɛKyɛɛ mon ɛdaa ne irywa gha i yɛɛ ɛli ne ɛ sim ɛn nibhɛ.

ɛLuka 12:30

Ninyi ne hame nibhɛ bok ɛTaanggbey ye nibhɛ mɔn nikɔn nɛnaa wo. ɛKyɛɛ mon na i ne yɛɛ ɛli nɛ nikɔn nɛnaa wo kɛ jam nyini nɛ.

ɛTomɛ 17:23

Kɛ sɛ ɛli ne nzi hyel ndɔ ɛgarang mon na, nggɛ ne yaang nikɔn na ne ɛ re ɛn nibhɛ ntsong ngga. Nggɛ ne bhɛ sɛ ɛdɛ ɛraa ne hap itsanga gha ne kɛ haa ne idɛ bol de ne iphɛ bo, ‘ɛLɔ ɛTaanggbey ne Njwii Sang Yɛɛ Ɛbhɛ.’ ɛTaanggbey yɛghaa wo ne ɛ sang yɛɛ ɛn no, ɛbhɛ ne naa ne tɔng nyini ibol ɛbhɛ.”

iRooma 1:24

iPhɛ ɛlɛy, ɛTaanggbey kɛ ne tek ndɔ mɔn nikɔn nibebhe na ne irway nibhɛ da i sim mo, nibhɛ mɔn nikɔn ne yɔm ncwa ne ibek de.

iRooma 1:26

iPhɛ ɛlɛy, ɛTaanggbey ya ne tek nibhɛ tɛ nibhɛ roos ihyop ne ibek nibhɛ de ne phɛ so ɛkɔn ncwa gha. Nikuk nibhɛ na ne sunu, sɔng nibhɛ tɔ sɛme ne ɛras ne ɛkuk ka ɛli ne phɛ ku so wo nang, nibhɛ ne yaa sɛmɛs en ne nkiinɛ wo ne hame kɛ ryɔng ɛbhɛ ɛlɛy.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 15:34

Kyi ɛn ne ihywɛɛ mon de ɛlɔ ɛdaan te ɛ kɔɔng ɛn ɛfɔt to. Daa ɛli ne nidɛng mon i doo ɛTaanggbey yegha. Nggɛ ne boote ɛlɛ wo te ɛ sɔ ɛn ncwa.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

1 ɛBiturus 4:3

Ɛ kaa ku bees ɛn nten mon gbom ne ile de, ɛ kaa mɔn ɛn nikɔn nɛ ninyi ne hame nibhɛ so ninaa ne roos i saghe nɛ. Ɛ kaa sak nyini mɔn nikɔn ne yɔm ncwa, ne ɛ roos ɛn ihyop ne ibek nɛ, ne ɛ sim ɛn te ɛ sɛ ku i shɛɛ ɛn ziizii, ɛ ra ɛn nzangas, ɛ sak ɛn nyini ne ijwira ne sɔ igbuut, ɛ re ɛn igunkyi ntsong ne iphɛ so ɛkɔn ne ishis.