1 iTasɔlɔnika 4:3 - ɛWee ne ìTsɛm iHywas

³ Daa ɛli ne icwas ɛTaanggbey so te ɛ tul nyini kang. iPhɛ ɛlɛy ne ˆɛ tel ɛn ishwɛɛ ne nzangas de.

1 iTasɔlɔnika 4:3 ပူးပေါင်းရင်းမြစ်များ

ɛMacu 12:50

Daa ɛli ne ɛhiha ɛnyi ne ɛ mɔn ɛkɔn na ne ɛKyɛɛ nge ɛdaa ne irywa gha sim mo, ɛbhɛ ne ɛ so ɛgwaa nge ɛras sa, ne ɛgwaa nge ɛkuk ka, ne ɛgyinɛ nge gha.”

ɛMacu 15:19

Ndɔ ne irway ɛnyi da ne icwas ivebhe da i wuusi nɛ. iCwas ne phoo ɛnyi, nzangas, re ihwel, ɛyi, iwul irywɛɛk daa nikɔn ne hame nibhɛ so itin nɛ, ne bees ɛnyi irywɛɛk.

ɛMacu 5:32

Mee wo nzi ne bok nyini, ɛhiha ɛnyi ne ɛ kɛ ne kasa ɛkuk ɛbhɛ gha, wu tang so daa ne ibol ne nzangas, ɛ kɛ ne te ɛkuk ka ɛ teye ɛkuk ne nzangas. ɛHiha ɛnyi ne ɛ kɛ ne tul ɛkuk ka ne kɛ kasa ɛbhɛ wo, ɛɛ ne ra nzangas.

ɛMacu 7:21

“Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

ɛMarakus 3:35

ɛHiha ɛnyi ne ɛ kɛ mɔn ɛkɔn na ne ɛTaanggbey ya sim, ɛbhɛ so ɛgwaa nge ɛras sa ne ɛgwaa nge ɛkuk ka. Ɛbhɛ ne ɛ ta so ɛgyinɛ nge gha dɔng.

ɛYohana 4:34

ɛYɛso gha ne yaak nibhɛ, “iRe nge de so; te mɔn ɛkɔn na ne ɛnyi gha ne ɛ kɛ tom me wo ɛ sim, te ne n taal ɛtomɛ gha ne ɛ kɛ nang me wo.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

ɛTomɛ 15:20

Te njwɛɛn yang haa nibhɛ ɛwee te yaak nibhɛ wu hang nibhɛ re ɛn ire ne ikpii, hang nibhɛ ra ɛn nzangas, hang nibhɛ ne re inwam ne kɛ sang hyɛ i tul neyi yɛ, wu hang nibhɛ ne re neyi.

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iRooma 1:29

iRway nibhɛ ba so hyɔrɔ ne yɔm ne icik, ne ibebhe de ihywee-ihywee; ɛnyɛs, ne irisɛ, sim ito. Nibhɛ so hyɔrɔ ne ɛnkyis, ne irway ne phoo ɛnyi, ne irywen, ne iluk gbik ne irway ishwii. Nibhɛ ta bok ivol mumuk,

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 7:2

Daa ɛli ne nzi ne sim te sɛɛ tel nzangas de, te ɛrɔngɔ ne boos ɛkuk ɛbhɛ, te ɛkuk ka ma boos ɛras ɛbhɛ.

2 iKɔrɔntos 12:21

N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

iGalatiya 5:19

Nikɔn ne ɛfɔt ta ne ibek ge sim mo ku so kpas. Nibhɛ naa ɛlɛ: re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa,

iFisus 5:17

iPhɛ ɛlɛy, sɔng ˆɛ te ɛn nyini niwamang nang, yang seng ɛn ɛkɔn na ne ɛ so icwas ɛDaray da.

iFisus 6:6

Sɔng ˆɛ mon ɛn ɛtomɛ gha nten de nɛ nibhɛ sonɛ wo, wu tɛ nibhɛ ji ton nyini wo nang. Yang mɔn ɛn ɛkɔn na ne ɛTaanggbey i sim ne irway mon ijwaan daa ɛli ne ˆɛ so ɛn nikpuru ɛKiriti na.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

1 iTasɔlɔnika 4:2

Daa ɛli ne ˆɛ yɛɛ ɛn ɛkɔn na ne njwi kɛ mɛmɛ nyini nɛ wo le ɛlɔ ɛDaray ɛYɛso.

1 iTasɔlɔnika 4:4

Te ɛrɔngɔ mɛmɛ nɛ ɛli ne aa wum ibek ɛbhɛ ndɔ ne iwɛwɛy te ɛ nang ito ɛbhɛ ne ndiinday.

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 10:36

iPhɛ so nggbinggbing ɛ bo ɛn ɛbɔk te ɛ mɔn ɛn ɛkɔn na ne ɛTaanggbey ya sim, te ɛ sɛ ne say ɛn ɛkɔn na ne kaa ku sim-mɛ wo.

iBirani 12:16

Wɛɛ ɛn yɛnɛng, sɔng ɛdɛ mon teye ɛhaa ne ra nzangas nang, sɔng ɛdɛ mon ne teye ɛhaa ne sang phok ɛnik ɛTaanggbey yɔɔ te ɛSuwa gha ne ɛ kaa rɛp ikɔɔn ɛbhɛ de ɛlɔ ɛkyɛɛrɛng ne ire gha nang.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

1 ɛYohana 2:17

ɛZay ya ne ihyop igywebhe nikɔn ɛzay de gbik i phebhe, gbik ne iphɛ ɛlɛy, ɛnyi gha ne ɛ ne mɔn ɛkɔn na ne aa nang ɛTaanggbey yegha irway ihwala, ɛ sɛ ne shɛɛ ishwɛɛ ne inat.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.