1 iTasɔlɔnika 4:17 - ɛWee ne ìTsɛm iHywas

¹⁷ ɛTsim mɛ ɛlɛy, njwɛɛn no ne sɛ́ ne tɔ niken na, ne kɛ mak ndɔ ɛzay ya, sɛ́ ne ma ji bo njwɛɛn ndɔ ne inɔp i bhɛ sɛme en ne ɛDaray ya daa ɛphiri ne irywa. Njwɛɛn sɛ́ ne bhɛ shɛɛ ne ɛDaray ɛYɛso gha ishwɛɛ ne inat.

1 iTasɔlɔnika 4:17 ပူးပေါင်းရင်းမြစ်များ

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛMarakus 14:62

ɛYɛso gha ne kyii nɛ ɛ yaak ɛbhɛ, “Me nzo me ɛbhɛ.” Ɛ sɛ yaang ɛn ɛNgɔn ɛNyi gha, kɛ soos ne iwɔ ne irwye ɛDaray ɛTaanggbey yo, n yaaso ndɔ ne inɔp ɛdaa ne irywa.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 14:3

Yaa ne sɛ nggɛ phɛ, nggɛ bhɛ ryɔng nyini ɛlɔ gha, naa ne ji bhɛ kyii n bo nyini te ˆɛ maa shɛɛ ɛn ɛlɔ gha ne nzo nɛ wo.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛTomɛ 1:9

Ne sɛ ɛ kɛ boote ɛlɛ wo, ne bo ɛYɛso yegha ɛnu ɛyisɛ nibhɛ phɛɛs nɛ daa ne irywa. Idɛ inɔp be ne cwaal ɛbhɛ, sɔng nibhɛ tang yaang ɛbhɛ nang.

ɛTomɛ 8:39

Ne sɛ nibhɛ wuusi ndɔ inɛn da, iKabyik ɛDaray de ne shii bo ɛFilibus segha iphɛ hyel lɛ. Sɔng ɛnyi yɛghaa wo ne tang yaang ɛbhɛ nang. Ne ɛ jung bok irway ihwala hyɔrɔ nten de ne ɛ so nkiinɛ wo ɛ hyilis se wo.

1 iKɔrɔntos 15:52

nten idaan, te irwisɛ ne te zebhet, nten de ne kɛ wuute igba ɛtsim mo. Sɛ wuute igba wo, ne yiisik ninyi na nɛ nibhɛ kɛ kus so ndɔ ne ibek ne sang sa de, ne ji sunusi ibek njwɛɛn gbik.

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

iFilibi 1:23

Gbik nikɔn ifaa yɛnaa wo i ne hɔ ihywɛɛ nge. Nzi yang sim te nzɛ kyii ɛlɔ ɛKiriti gha mbɛ shɛɛ ne ɛbhɛ. iPhɛ phɛ kɛ jam iphɛ shɛs.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

1 iTasɔlɔnika 4:15

Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.

1 iTasɔlɔnika 4:18

iPhɛ ɛlɛy, ne ɛ laasek ɛn itso mon irway ne ibol lɛdee wo.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.

2 ɛBiturus 3:13

Kɛ ne lenɛ ne ɛTaanggbey ya kɛ ku sim-mɛ wo, njwɛɛn kɛ ne yaa hyep ɛzay ɛphas ne irywa ifas ɛlɔ gha ne icik sɛ ku i shɛɛ nɛ zɔng.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 11:12

niShɛɛda ifaa yɛnaa nggyɛ wo ne ji phok idɛ izɔlɔs de ihywɛ le daa ne irywa, ihywɛ bok nibhɛ, “Wara ɛn nyini te ɛ yɛɛs ɛn ɛbɛ!” iPhɛ ɛlɛy, nishɛɛda ifaa na ne roos inɔp nibhɛ wara en daa ne irywa wo, ninaa ne iphup nibhɛ na ne sit nibhɛ ne irwisɛ nibhɛ wɛɛ nibhɛ.

Nikɔn ne kɛ Phaal 12:5

ɛKuk ka ne yɛk ɛngɔn ɛbhɛ gha ɛras sɛ, ne ɛbhɛ sɛ re igbɔm ne igbagha ɛzay yo gbik. iGbɔm ɛbhɛ da sɛ ne bok ihwet te ɛntsɛng ne igyɔs. Ne shii bo ɛngɔn na i tel lɛ, i phɛ ne ɛbhɛ ɛlɔ ɛTaanggbey, i bhɛ tek ɛbhɛ dak ɛcuruu ne igbɔm ɛbhɛ.