1 iTasɔlɔnika 4:16 - ɛWee ne ìTsɛm iHywas

¹⁶ Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

1 iTasɔlɔnika 4:16 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 25:31

“Sɛ ne sɛ ɛli ne ɛNgɔn ɛNyi gha kɛ yɛɛs ndɔ ne ito-ndiinday ɛbhɛ de nɛ nimalɛka ɛbhɛ na, ɛ sɛ ne soos ɛcuruu ne igbɔm ɛbhɛ ne ito-ndiinday ɛbhɛ.

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

1 iKɔrɔntos 15:18

Wu iphɛ ne so ɛlɛ wo, kaabi ninaa ɛKiriti na nɛ nibhɛ kɛ kus so kɛ ne birit.

1 iKɔrɔntos 15:20

Kɛ ne yiisik ɛKiriti yegha tsik ne ikpuu da ɛtsak, ɛbhɛ ne ɛ so te ire ɛyisɛ ne kɛ tsa pha ndɔ ninaa nɛ nibhɛ kɛ kus so ne sɛ yiisik nibhɛ wo.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

1 iTasɔlɔnika 3:11

Te ɛTaanggbey ya ne ɛbhɛ ɛ so ɛTaa gha ne ito ɛbhɛ, ne ɛDaray njwɛɛn ɛYɛso gha phaal njwii ɛnkiinɛ ne yɛɛs ɛlɔ mon na.

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

ɛYahuza 1:9

Yung yaang ɛn ɛndiinday nimalɛka gha ne kaa bok ɛbhɛ ɛMakyɛl la, kaa sɛ ɛli nɛ nibhɛ sin en ne ikom ɛMuusaa de ne ɛShɛtan na, sɔng ɛMakyɛl la kaa hyɛ ne ɛShɛtan negha ɛshara ɛ boote ne ɛbhɛ ibol ne bɛɛs nang, ɛ kaa yang yaak ɛbhɛ, “Te ɛDaray sit tɛ ne ɛbung!”

Nikɔn ne kɛ Phaal 1:10

Kaa ne sɛ ɛdɛ ɛTuk ɛTaanggbey ya, iKabyik ge ne bo me, ne n bok ɛgbaang ne izɔlɔs i bol ne mee te ɛntuntuung ɛtsim nge.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

Nikɔn ne kɛ Phaal 8:2

Ne n yaang kɛ nang nimalɛka ɛniitaa na nɛ nibhɛ kɛ kyinasek ɛnu ɛyisɛ ɛTaanggbey ya ntsuntsuung ɛniitaa.