1 iTasɔlɔnika 4:15 - ɛWee ne ìTsɛm iHywas

¹⁵ Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.

1 iTasɔlɔnika 4:15 ပူးပေါင်းရင်းမြစ်များ

ɛMacu 17:25

ɛBiturus sa ne kyii nɛ ɛ yɔngɔ, “Ɛɛy, ɛ taal.” Ne sɛ ɛBiturus sa kɛ kyii ndɔ ne ijwee wo, ɛYɛso gha ne tsa ɛ boote ne ɛbhɛ ɛ yɔngɔ, “ɛSimɔn ɛ yaang ɛli lɛɛ? Nigɔm ɛzay yɛnaa wo i saasel ijam be ɛlɔ ninaye lɛɛ? ɛLɔ ninaa ne ivel lɛɛ? Hang ɛlɔ ninaa ne ne ikpoo?”

1 iKɔrɔntos 15:18

Wu iphɛ ne so ɛlɛ wo, kaabi ninaa ɛKiriti na nɛ nibhɛ kɛ kus so kɛ ne birit.

2 iKɔrɔntos 12:1

iPhɛ so nggbinggbing nggu i hal ɛggyɛy ya, nzi ne yɛɛ sɔng iphɛ yaa phyik ne ɛkɔn nang. ɛLyilyɛghaa wo, naa ne bol daa nikɔn na ne ɛDaray ya kɛ phaal me nɛ ndɔ nibok ne iyuwa.

2 iKɔrɔntos 4:14

Daa ɛli ne njwii yɛɛ ɛli ne ɛTaanggbey ya kaa yiisik ɛDaray ɛYɛso yegha ndɔ ne ikpuu da. Ɛ sɛ ne ma yiisik njwɛɛn gbik ne ɛYɛso gha, ɛ yɛɛs ne njwɛɛn ɛnu ɛyisɛ ɛbhɛ gbik ne nyinɛn no.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,