1 iTasɔlɔnika 4:14 - ɛWee ne ìTsɛm iHywas

¹⁴ Njwɛɛn kɛ nang ne itin nɛ wu ɛYɛso gha kɛ ku ne ɛ kyii ta yilitsik ne ikpuu da. iPhɛ ɛlɛy, njwɛɛn kɛ ne ta nang ne itin nɛ wu ɛTaanggbey ya sɛ yɛɛs ne ɛYɛso gha gbik nɛ ninaa nɛ nibhɛ kɛ wum nwa da ndɔ ɛbhɛ wo.

1 iTasɔlɔnika 4:14 ပူးပေါင်းရင်းမြစ်များ

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

1 iTasɔlɔnika 4:17

ɛTsim mɛ ɛlɛy, njwɛɛn no ne sɛ́ ne tɔ niken na, ne kɛ mak ndɔ ɛzay ya, sɛ́ ne ma ji bo njwɛɛn ndɔ ne inɔp i bhɛ sɛme en ne ɛDaray ya daa ɛphiri ne irywa. Njwɛɛn sɛ́ ne bhɛ shɛɛ ne ɛDaray ɛYɛso gha ishwɛɛ ne inat.

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

iRooma 14:9

Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.