1 iTasɔlɔnika 4:13 - ɛWee ne ìTsɛm iHywas

¹³ Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 4:13 ပူးပေါင်းရင်းမြစ်များ

ɛMacu 27:52

iKpuu da phaasel le, ivek ninyi na gbom nɛ nibhɛ kaa tul ɛn kang ngo, nɛ nibhɛ kɛ kus so ne yiisitsik.

ɛYohana 11:24

ɛMata gha ne kyii nɛ ɛ yɔngɔ, “Nzi yɛɛ ɛ sɛ yilitsik ɛtuk ne yiisitsik ne ikpuu, ne ɛ soye ɛtuk ne taal ɛzay.”

ɛTomɛ 13:36

“Kaa ne sɛ ɛtsim mɛ ne ɛDoda gha kɛ taal ɛtomɛ gha nɛ ɛTaanggbey ya kɛ nang ɛbhɛ nten ɛbhɛ de ne ɛ wum nwa, i rɛɛ ɛbhɛ ɛlɔ gha ne kɛ rɛrɛs nikyɛɛ nɛ, ibek ɛbhɛ ne sa ndɔ ne ikpuu da.

ɛTomɛ 7:60

Ne ɛ cwi ne irway nggburuk ɛ tɔɔk izɔlɔs ɛ yɔngɔ, “ɛDaray ɛTaanggbey, hana nibhɛ ne ɛfɔt tɛ woo wo.” Ne sɛ ɛ kɛ boote ɛlɛ wo ne ɛ wum nwa.

ɛTomɛ 8:2

Nidɛng ninaa ne re ɛTaanggbey yegha ntsong ne bhɛ rɛɛ ikom ɛSitivin de, nibhɛ ne san ɛbhɛ gbom.

iRooma 1:13

Nigwaa ɛn, nzi sim te ɛ sɛ seng ɛn wu nggɛ bo nten nzi sim te na yɛɛs ɛlɔ mɔn na, kɛ ne ring me nɛ. Nggaa sim te nzɛɛ sɛ nidɛng ndɔ mon no nibhɛ teye ninaa ne roos, te ɛli ne nggɛ sɛ ndɔ ɛbyin ninyi na ne hame nibhɛ soye ninaa ne roos sa.

1 iKɔrɔntos 10:1

Nzi sim te ɛ sɛ seng ɛn nyinɛn nigwaa en, inɔp kaa kyɛngɛse nikyɛɛ-nikyɛɛ njwɛɛn gbik ndɔ ne ihywel nibhɛ da, nibhɛ wo gbik kaa ne roos ndɔ ɛLing Nding nibhɛ bere.

1 iKɔrɔntos 12:1

Nigwaa en nzi sim te ɛ sɛ seng ɛn ɛkɔn daa nikɔn na ne iKabyik ɛTaanggbey de i nang ngo, sɔng nzi sim ɛ sɛɛ tɔ doo ɛn nang.

1 iKɔrɔntos 15:6

ɛTsim mɛ ɛlɛy, ne ɛbhɛ wuru nigwaa nɛ nibhɛ so ninaa ne roos nɛ nibhɛ kɛ hɔn ikpɔl iwii nten idaan, iday nibhɛ tɔ niken izenge ɛlɛ, nidɛng kɛ ne kus.

2 iKɔrɔntos 1:8

Nigwaa en, sɔng njwii sim te ɛ sɛ doo ɛn ihywee ne nggbang ngga ne njwi kɛ sɔ ne iSiya de nang, nggbang mos da ne iSiya de kaa kat, mpɛ phyin ihwet mos, njwi ne yaa wɛɛ te njwi aa kus.

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

1 iTasɔlɔnika 4:14

Njwɛɛn kɛ nang ne itin nɛ wu ɛYɛso gha kɛ ku ne ɛ kyii ta yilitsik ne ikpuu da. iPhɛ ɛlɛy, njwɛɛn kɛ ne ta nang ne itin nɛ wu ɛTaanggbey ya sɛ yɛɛs ne ɛYɛso gha gbik nɛ ninaa nɛ nibhɛ kɛ wum nwa da ndɔ ɛbhɛ wo.

1 iTasɔlɔnika 4:15

Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.

1 iTasɔlɔnika 5:6

iPhɛ ɛlɛy, sɔng njwɛɛn ne te te ɛbyin ninyi na nɛ nibhɛ kɛ wum nwa da nang. Te njwɛɛn shɛɛ semey te kyii ne ihywɛɛ njwɛɛn ɛlɔ ɛdaan.

2 ɛBiturus 3:4

Nibhɛ yɔngɔ, “Nzo ɛYɛso gha kaa yaak nyini wu sɛ bhɛ kyii nang? Ne ɛ so ɛbii? niKyɛɛ-niKyɛɛ njwɛɛn na kaa ku kus ne ile, nikɔn na ku tɔ ɛli ne nɛ nibhɛ kaa ku so ne ile ne tum ɛzay de, sɔng ɛkɔn kɛ hyereey nang.”

2 ɛBiturus 3:8

Nigwaa nge ne nzi sim, sɔng nɛ te ɛn bap ne bol lɛdee bɛ nang. Ɛlɔ ɛTaanggbey ya, ɛtuk ɛdaan na so te ishay ɛnom ɛdaan; ishay ɛnom ɛdaan de ne ma so te ɛtuk ɛdaan.