1 iTasɔlɔnika 4:1 - ɛWee ne ìTsɛm iHywas

¹ ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

1 iTasɔlɔnika 4:1 ပူးပေါင်းရင်းမြစ်များ

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

ɛTomɛ 20:27

daa ɛli ne nggɛ tɔng nyini gbik nikɔn na ne ɛTaanggbey ya sim te ɛ sɛ seng ɛn.

iRooma 8:8

Ninyi na nɛ nibhɛ roos nikɔn na ne icwas ne irway ɛten ɛsii da i sim mo sɔng nibhɛ yaa ne yɛɛ ne laasek ɛTaanggbey yegha irway nang.

1 iKɔrɔntos 11:23

ɛKɔn nɛghaa wo ne nggɛ mɛmɛ nɛ ɛlɔ ɛDaray, ɛbhɛ ne nzi ne ma tɔng nyini; wu ɛtuk ka ne kaa nang ɛDaray ɛYɛso yegha ndɔ ne iwɔ ninaa ne iphup po, ɛ kaa bo ibɛrɛdi,

1 iKɔrɔntos 15:1

ɛLyilyɛghaa wo nigwaa en, nzi sim na taate nyini ne iBol iYɛnɛng ngge ne nggaa tɔng nyini wo, idee ne ɛ kɛ say ɛn, ɛ ta roos ɛn no.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

2 iKɔrɔntos 5:9

ɛKɔn na ne ɛ phyin gbik, njwɛɛn i phyin sim te ɛ sɛɛ phok iyɛnɛng njwɛɛn, hang ndɔ ne ibek ɛzay yɛdee wo yɔɔ, hang ndɔ ne idee ɛdaa ne irywa de yɔɔ.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 4:20

Sɔng ɛkɔn nɛghaa wo ne ˆɛ kɛ ne mɛmɛ ɛn nɛ daa ɛKiriti gha nang.

iFisus 5:17

iPhɛ ɛlɛy, sɔng ˆɛ te ɛn nyini niwamang nang, yang seng ɛn ɛkɔn na ne ɛ so icwas ɛDaray da.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

iFilibi 3:14

Nzi kyangas me nɛ te mbɛ sɛ ɛwɛng ɛdaa ne irywa gha. ɛWɛng nga ne ɛTaanggbey ya kɛ yel-le me nɛ wo lenɛ ne ɛYɛso ɛKiriti gha.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 2:6

ɛLi ne ˆɛ kɛ ku say ɛn ɛYɛso ɛKiriti yegha wu ɛ soye ɛDaray mon na, ne ˆɛ re ɛn ɛnu ɛyisɛ ne shɛɛ ndɔ ɛbhɛ.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

1 iTasɔlɔnika 4:2

Daa ɛli ne ˆɛ yɛɛ ɛn ɛkɔn na ne njwi kɛ mɛmɛ nyini nɛ wo le ɛlɔ ɛDaray ɛYɛso.

1 iTasɔlɔnika 5:12

Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

2 iTasɔlɔnika 3:1

ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

2 iTasɔlɔnika 3:13

Nyinɛn no nigwaa en, sɔng ne ˆɛ te ɛn kpos ne mɔn iyɛnɛng ngge nang.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

1 ɛYohana 3:22

njwɛɛn i ne ta sɛ gbik ɛkɔn na ne njwɛɛn kɛ phom ɛbhɛ, daa ɛli ne njwɛɛn i roos ikpii ɛbhɛ da, njwɛɛn i ta mɔn ɛkɔn na ne ɛ nang ɛbhɛ irway ihwala.