1 iTasɔlɔnika 3:6 - ɛWee ne ìTsɛm iHywas

⁶ ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

1 iTasɔlɔnika 3:6 ပူးပေါင်းရင်းမြစ်များ

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

ɛTomɛ 18:1

ɛTsim mɛ ɛlɛy ɛBulus sa ne tek iTina de ɛ phɛ ne iKɔrɔntos.

ɛTomɛ 18:5

Ne sɛ ɛSila ne ɛTimɔti kɛ lenɛ iMakyidɔniya de nibhɛ bhɛ sɛ ɛBulus segha ne iKɔrɔntos de, ɛBulus sa ne ji ku bo nten ɛbhɛ gbik, ɛ sanga ibol iyɛnɛng ngge ɛ tɔɔsel niYahodawa na wu ɛYɛso ɛbhɛ so ɛKiriti gha.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iKɔlɔsi 1:4

Daa ɛli ne njwi kɛ phok ibol ne ìnang ne itin mon de ne ɛYɛso ɛKiriti gha gbik ne ishwim ba ne ɛ bok ɛn daa ninyi ɛTaanggbey ya.

iKɔlɔsi 4:18

Mee ɛBulus, nzi haa kyiisi yɛdaa wo ne iwɔ nge. Sɔng ˆɛ te ɛn bap wu nzo ne nyang ge nang. Te izɛɛng ɛTaanggbey shɛɛ ne nyinɛn. Ɛɛy.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 2:17

Nigwaa en, nten de ne kaa hobhose njwii nɛ nyinɛn no, ihobhose da ne ifɛ so ivaa ne ibek ga ifɛ sang so ivaa ne irway da, njwii ne has irway, njwi bok iyɔk kɛ te njwi sɛɛ yaang nyini ɛyisɛ ne ɛyisɛ.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 3:7

iPhɛ ɛlɛy nigwaa en, gbik ndɔ ne nggbang mos da ne bees irway mos da, ibol ne ìnang ne itin mon de kɛ ne te njwii itsɔngɔl gɛgɛy.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

ɛFilimɔn 1:5

Daa ɛli ne nzi phok ngka ne ìnang ne itin mo de ndɔ ɛDaray ɛYɛso gha gbik ne ishwim ba ne ɛ tɔɔsel ninyi ɛTaanggbey ya.

iBirani 13:3

Taate ɛn nɛ ninaa nɛ nibhɛ so ne ijwee ne nyang ngo te ˆɛ so ɛn ne inyang ngge nɛ nibhɛ. Ne ˆɛ ta taate ɛn nɛ ninaa nɛ nibhɛ sɔ nggbang ngga te ɛ sɔ ɛn nggbang ngga nɛ nibhɛ.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.

1 ɛYohana 3:23

iKpii ɛbhɛ da ne so ɛlɛ: te njwɛɛn nang ne itin nɛ ne ɛNgɔn ɛbhɛ ɛYɛso ɛKiriti gha, te ɛrɔngɔ ta sim ɛrɔngɔ ɛli ne ɛKiriti gha kɛ yɛk njwɛɛn nɛ wo.