1 iTasɔlɔnika 3:5 - ɛWee ne ìTsɛm iHywas

⁵ iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

1 iTasɔlɔnika 3:5 ပူးပေါင်းရင်းမြစ်များ

ɛMacu 4:3

ɛShɛtan na ne ji yɛɛs ɛ yaak ɛYɛso yegha, “Wu ɛ so yɛ ɛNgɔn ɛTaanggbey ya, ne ɛ yɛk ngɛ ikpɛɛ yɛdaa wo teye ire.”

2 iKɔrɔntos 2:11

Nggɛ ne hana wo, daa ɛli ne ɛShɛtan na yaa yung sɛ ikɛk ne luk njwɛɛn. Daa ɛli ne njwɛɛn i yɛɛ iluk ɛbhɛ da ncɛncɛng.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iGalatiya 4:11

iBol mon de tak me iyɔm. Sɛ tɛrɛk ya bo wu ɛtomɛ nge gha ne nggɛ mɔn no ndɔ mɔn yaa te buu ye?

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

1 iKɔrɔntos 7:5

Sɔng ɛdɛ mon ne ring ɛdɛng ngɛ tang ɛlɛy ne ɛ kɛ sim ɛn nyini nɛ ndɔ ne nten ncɛt te ɛ sɛ ɛ boote ɛn ne ɛTaanggbey yang. Wu ɛ kɛ ne mɔn ɛn ɛlɛ wo, te ne ɛ shii kyii ɛn daa ɛli ne ɛShɛtan ya yung luk nyini ɛ sang yɛɛ ne wum ɛn ito mon.

1 iTasɔlɔnika 3:6

ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

1 iTasɔlɔnika 2:1

Nyinɛn nigwaa en no ˆɛ yɛɛ ɛn, sɔng iyɛɛs mos da ɛlɔ mon na kɛ te buu nang.

ɛTomɛ 15:36

Ne sɛ kɛ phyɔngɔle ɛBulus sa ne yaak ɛBanabas segha, “Njwii te njwi roos nigarang nga ne njwi kaa sanga ne ibol ɛDaray de te njwi yaang ɛli nɛ nigwaa na so, njwi kyiisi nibhɛ.”

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iFilibi 2:19

Wu ɛDaray ɛYɛso gha kɛ sim, nggɛ yɛk ne irway nzi tas te nzɛ tom ɛTimɔti ye ɛlɔ mon na ndɔ ne nituk kɛnaa wo, te ibol mon de hante ne te me itsɔngɔl gɛgɛy.