1 iTasɔlɔnika 3:2 - ɛWee ne ìTsɛm iHywas

² Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

1 iTasɔlɔnika 3:2 ပူးပေါင်းရင်းမြစ်များ

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

ɛTomɛ 16:5

iPhɛ ɛlɛy idira ninaa ne roos de ne hante ne ihwet ndɔ ne ìnang ne itin de, nibhɛ ne ta i hanas se nɛ nibhɛ tes gbogbom.

ɛTomɛ 18:5

Ne sɛ ɛSila ne ɛTimɔti kɛ lenɛ iMakyidɔniya de nibhɛ bhɛ sɛ ɛBulus segha ne iKɔrɔntos de, ɛBulus sa ne ji ku bo nten ɛbhɛ gbik, ɛ sanga ibol iyɛnɛng ngge ɛ tɔɔsel niYahodawa na wu ɛYɛso ɛbhɛ so ɛKiriti gha.

iRooma 16:21

ɛTimɔti gha ne ɛ so ɛtaay ɛtomɛ nge gha i kyisi nyini, ɛlɛy ne ɛLushiyɔs ne ɛYason ne ɛSɔsipata nɛ nibhɛ ma so niYahodawa.

1 iKɔrɔntos 3:10

Lenɛ ne izɛɛng ne ɛTaanggbey ya kɛ nang me, nggɛ ne tum ɛtum ne ijwee wo, daa ɛli ne nzo ɛhaa ne yɛɛ ne ijwee. ɛHak ɛnyi yaa ne ji lɔl daa ne ɛtum mɛwoo wo. iPhɛ ne so nggbinggbing ɛrɔngɔ wɛɛ ye yɛnɛng ɛli ne aa lɔl ijwee wo da ne ɛtum mɛwoo wo,

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

2 iKɔrɔntos 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

2 iKɔrɔntos 2:13

Gbik ne phɛ ɛlɛy, sɔng irway nge kaa ne jung laal nang, daa ɛli ne sɔng nggaa bhɛ sɛ ɛgwaa nge ɛTitus segha ne iTurasa de nang. Ne n tek iTaruwasa de mbɛ ne iMakyidɔniya, mbɛ tɔk ɛTitus segha.

2 iKɔrɔntos 8:23

Ɛbhɛ ɛTitus sa so ɛhaa ne njwii mɔn ɛtomɛ gha ne ɛbhɛ te sɛ i phyik nyini. Nigwaa ifaa yɛnaa wo nɛ nibhɛ so ne ɛbhɛ wo, ninaa ne roos sa nibhɛ kɛ ne tom nibhɛ, ɛtomɛ nibhɛ gha i ne nang ɛKiriti ye ne ndiinday.

iFilibi 1:25

ɛLi ne nzi yɛɛ iphɛ ncɛncɛng ɛlɛ wo, nzi ne yɛɛ naa shɛɛ ne nyinɛn gbik te ˆɛ re ɛn ɛyisɛ ne ndɔ ne ìnang ne itin mon de, ˆɛ yɛk ɛn irway ihwala.

iKɔlɔsi 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti lenɛ ne icwas ɛTaanggbey gbik ne ɛgwaa mos ɛTimɔti.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iKɔlɔsi 4:9

Ɛ sɛ yaaso gbik ne ɛNisimos ne ɛ soye ɛhaa ɛlɔ mon. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ. Nibhɛ sɛ ne tɔng nyini gbik nikɔn na nɛ nibhɛ tes ɛbɛ wo.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

1 iTasɔlɔnika 3:5

iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

2 iTasɔlɔnika 2:17

te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.