1 iTasɔlɔnika 2:9 - ɛWee ne ìTsɛm iHywas

⁹ Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 2:9 ပူးပေါင်းရင်းမြစ်များ

ɛLuka 18:7

Yaa ne mɔn ɛli ɛTaanggbey ya sang nang ninyi ɛbhɛ na ne ɛ kɛ ku kasa wo, nɛ nibhɛ san ɛbhɛ ishwin da ne ɛtuk ka ne igbey yo ɛkɔn na ne ɛ so ɛhaa nibhɛ ghaa? Aa maa shɛɛ tang phyik nibhɛ naa?

ɛLuka 2:37

Ne ɛ shɛɛ ne ɛkusang ngge, ɛbhɛ hɔn ishay nzuwubɔ ɛnaras ne iphɛ nwaas, ɛɛ re ɛTaanggbey ye ntsong cɛcɛɛy. Sɔng ɛ kaa ne i hosop bhe ne iDeng ngge nang, ɛ kaa ku i roro ne ɛTaanggbey ya cɛcɛɛy, ɛ kuma.

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

ɛTomɛ 20:31

iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

1 iKɔrɔntos 4:12

Njwi kyangase ne ɛtomɛ gha ne ibɔ mos. I sɛ kɛ toke njwii, njwi ne sit nibhɛ ne ɛwɛng. Ne sɛ i baasek njwii nggbang, njwi ne rop iku.

1 iKɔrɔntos 9:15

Gbik ne iphɛ ɛlɛy, sɔng nggɛ ne yɔng nggbinggbing te mɔn me ɛlɛy nang. Sɔng nzi ne haa ɛwee yɛwoo wo nzi bo te mɔn me ɛlɛy yang. Nduk te ne n ku ne yaa ring me ne hal ɛgyɛy ya daa ne ibol iyɛnɛng ngge ne nzi sanga tang tal me wo.

1 iKɔrɔntos 9:18

iKyee ne yaa ne ji tal mee? Yaa tal me ɛlɛ: wu naa sanga iBol iYɛnɛng ngge, te ne mɔn ɛlɛy tang i tal me, sɔng ne n yɔng wu nggbinggbing te nang me ɛkɔn na ne ɛ so yaa nang ninaa ne sanga wo nang.

1 iKɔrɔntos 9:4

Hang iphɛ ma sang so kancɛng i nang njwii ire de ne inɛn ne sɔ da naa?

2 iKɔrɔntos 11:27

Nggɛ kyangas me ne ɛtomɛ, nggɛ tabha ilong, nggɛ shɛɛ tang nwa, nggɛ shɛɛ kpyak, nggɛ shɛɛ tang sɔ inɛn. Nggɛ wɔs ire, nggɛ shɛɛ ne ntsentseng, nggɛ shɛɛ tang ɛtura ne ibek.

2 iKɔrɔntos 11:9

Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

2 iKɔrɔntos 6:5

I lɛngɛs njwii, ne robhos njwi ndɔ ne ijwee ne nyang, ne bok ishishim ne njwit, i naas njwii ɛtomɛ ne ɛ phyin ihwet mos, nggbang i ring njwii ne nwa, njwi ne so kpyak.

iFilibi 4:16

ɛLi ne ngga ne ta so ne iTasɔlɔnika, ˆɛ kaa ne ta phyighis ɛn mɛɛn nɛ nikɔn na ne nzi tɔk nten de kang-ka-kang.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 2:2

Nyinɛn no ˆɛ yɛɛ ɛn ihywee ne nggbang ngga ne kɛ baasek njwii, ne ihywee ne towos da ne kɛ towos njwi ndɔ ne iFilibi nyɛɛn njwi kyi yɛɛs ɛlɔ mon na ne iTasɔlɔnika. Kaa baasek njwii nggbang, i bees njwi irway, gbik ne iphɛ ɛlɛy ɛTaanggbey mos sa ne phyik njwii, njwi ne te irway nviit njwi tɔng nyini iBol iYɛnɛng ngge ne iphɛ le ɛlɔ ɛbhɛ gha.

1 iTasɔlɔnika 2:6

Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

1 iTasɔlɔnika 3:10

Ne ɛtuk ne igbey njwi kyangas nɛ njwi bol ne ɛTaanggbey ya, te njwi sɛ njwi yaang nyini irwisɛ ne irwisɛ, te njwi shwaak ɛkɔn na ne ɛ so byit ndɔ ne ìnang ne itin mon de.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

1 ɛTimɔti 5:5

ɛKusang nga ne ɛ sang ɛhaa ne iphyik ka i ne sit irwisɛ daa ɛTaanggbey, ɛ bol ne ɛTaanggbey ya ne igbey ne ɛtuk, te ɛTaanggbey ya phyik ɛbhɛ.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.