1 iTasɔlɔnika 2:6 - ɛWee ne ìTsɛm iHywas

⁶ Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

1 iTasɔlɔnika 2:6 ပူးပေါင်းရင်းမြစ်များ

ɛYohana 12:43

daa ɛli nɛ nibhɛ kaa sim idɛp niten nisii nibhɛ phyin idɛp ɛTaanggbey da.

ɛYohana 5:41

“Sɔng nzi ne tɔk tɛ niten nisii nibhɛ sɛɛ dɛp me nang.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

ɛYohana 7:18

ɛNyi gha ne ɛ bol ivol ne ito ɛbhɛ da, ɛ mɔn ɛlɛy te ɛ sɛ ito ɛbhɛ ndiinday. ɛNyi gha ne ɛ sim te sɛ nang ɛhaa ne ɛ kɛ tom ɛbhɛ ndiinday de, ɛ so ɛhaa ne itin nɛ; sɔng irywɛɛk ne so ndɔ ɛbhɛ wo nang.

1 iKɔrɔntos 11:9

Sɔng kaa ne ryɔng ɛras sa i nang ɛkuk ka nang, ɛkuk ka ne kaa yang ryɔng i nang ɛras sa.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

iGalatiya 1:10

Ɛ wɛɛ ɛn te nzi mɔn ɛlɛ wo tɛ ninyi ton me naa? Yɛwɛy, nzi sim te ɛTaanggbey ɛbhɛ aa sim ɛkɔn na ne nzi mɔn no. Ɛ wɛɛ ɛn te nzi sim naa laasek niten irway ye? Yɛwɛy, sɛ yɔng ɛlɛy, sɔng nzɛ ne te me ɛkpuru ɛKiriti gha nang.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

iGalatiya 6:13

Ninaa ne kɛ hyɛghɛ nibhɛ icwee da, sɔng nibhɛ ne roos ɛShara da gbyak kang. Nibhɛ sim te sɛ ma hyɛghɛ nyini icwee da te nibhɛ sɛ nibhɛ hal ɛgyɛy ne nyini daa ɛli nɛ nibhɛ kɛ yɛk ngɛ i hyɛghɛ nyini icwee da.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.