1 iTasɔlɔnika 2:5 - ɛWee ne ìTsɛm iHywas

⁵ Nyinɛn no ɛ yɛɛ ɛn, sɔng njwi kɛ ku bol nɛ nyinɛn ne ɛnu ɛbel nang. Sɔng njwi kɛ ne yɛɛs ndɔ ne iluk kaabi njwi bok irisɛ nang. ɛTaanggbey ɛbhɛ ɛ so ɛshɛɛda mos.

1 iTasɔlɔnika 2:5 ပူးပေါင်းရင်းမြစ်များ

ɛMacu 22:16

Nibhɛ ne bhɛ tom ninɔn ne icwam nibhɛ gbik nɛ nidɛng ninyi ɛHyiridus sa, ɛlɔ ɛYɛso gha, nibhɛ ne yaak ɛbhɛ, “ɛKyɛɛ ne icwam, njwii ku yɛɛ ɛli ne ɛ so ɛnyi ɛcik. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Sɔng ɛ sim ɛbyin ninyi ɛ mbaray nidɛng nang, sɔng ɛ tɔɔl sim ito daa ne ninyi nang.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

ɛTomɛ 20:33

Sɔng nggɛ yɛk irisɛ ne ijam gbik nɛ nikɔn niyɛnɛng ɛdɛ mon nang.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 12:17

Hang nggaa yung luk nyini lenɛ ne ɛdɛng ndɔ ninaa ne nggaa tom nibhɛ ɛlɔ mon na naa?

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 7:2

Phaal ɛn njwii irway mon da. Sɔng njwi kɛ mɔn ɛnyi ɛkɔn ɛkpɛɛ nang, sɔng njwi kɛ ne phɔt ɛkɔn ɛnyi nang, sɔng njwi kɛ ne luk ɛnyi njwi say ɛkɔn ɛbhɛ nang.

iGalatiya 1:20

iBol lɛ de wo ne nzi haa wo iphɛ soye itin nɛ. ɛTaanggbey i yɛɛ sɔng irywɛɛk ne nzi wul nang.

1 iTasɔlɔnika 2:10

Nyinɛn ˆɛ so ɛn nishɛɛda mos, ɛTaanggbey ne ma soye nɛ daa ne ihywee ne ishwɛɛ da ne njwi kɛ shɛɛ ndɔ mon no ne ɛ kɛ nang ɛn ne itin nɛ wo. Njwi kɛ shɛɛ wɛwɛy, cik, wɛlɛng ɛkɔn ne tok.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 3:8

ɛLɛy nɛ ninaa ne phyighis ne ɛtomɛ gha ndɔ ne idira ninaa ne roos de, iphɛ so nggbinggbing nibhɛ so ihywɛɛ, sɔng ninaa ninu ifaa nang, sɔng nikpuru ne sɔ inɛn ɛnap nang, sɔng ninaa ne tek iryat ɛbuu nang.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.