1 iTasɔlɔnika 2:19 - ɛWee ne ìTsɛm iHywas

¹⁹ iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

1 iTasɔlɔnika 2:19 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

ɛYohana 21:22

ɛYɛso gha ne kyii nɛ ɛ yɔngɔ, “Nzɛ kyi yɔng nzi sim aa shɛɛ ɛken n phyii bhɛ kyii, inɛn moo? iGyɛ wo, roos me!”

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 1:14

wu ɛ kɛ ne ma yung sang seng njwii ɛlyilyɛghaa wo, sɛ ne sɛ igbey yo ne ɛDaray njwɛɛn ɛYɛso gha sɛ bhɛ kyii wo, ɛ sɛ ne lɛng ɛn ɛgyɛy ne njwit ɛli ne njwii ma lɛng ne nyinɛn no.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

1 iTasɔlɔnika 2:20

ɛTsak, nyinɛn, ˆɛ so ɛn nyini ɛkɔn ne hal ɛgyɛy mos gbik ne irway ihwala mos.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

1 iTasɔlɔnika 4:15

Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

ɛYakub 5:7

iPhɛ ɛlɛy nigwaa en, bo ɛn ɛbɔk te ˆɛ hyep ɛn nten ne yɛɛs ɛDaray de. Yaang ɛn ɛli ne ɛhaa ne ihwap pa i bo ɛbɔk ka ɛ hyep ire de ne iphɛ kɛ jam iphɛ shɛs so ne ihwap ba. Ɛ bo ɛbɔk ɛ hyep inɛn ne kang ne ihwap ne mbaa ɛlɔ ne iphɛl.

ɛYakub 5:8

Nyinɛn no ne mang, ne ˆɛ ma bo ɛn ɛbɔk. Kyinak ɛn nting, daa ɛli ne ɛDaray ya yek cɛcɛk.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

2 ɛBiturus 1:16

Sɔng ivol ne nggbyɛrɛs ne njwi kaa tas ndɔ ne ntsɛntsɛng mos njwi tɔng nyini nten de ne njwi kaa tɔng nyini ibol ne ihwet ɛDaray njwɛɛn ɛYɛso ɛKiriti gha gbik ne iyɛɛs ɛbhɛ da nang. Ne irwisɛ mos, njwi kaa yaang ito-ndiinday ɛbhɛ de.

2 ɛBiturus 3:4

Nibhɛ yɔngɔ, “Nzo ɛYɛso gha kaa yaak nyini wu sɛ bhɛ kyii nang? Ne ɛ so ɛbii? niKyɛɛ-niKyɛɛ njwɛɛn na kaa ku kus ne ile, nikɔn na ku tɔ ɛli ne nɛ nibhɛ kaa ku so ne ile ne tum ɛzay de, sɔng ɛkɔn kɛ hyereey nang.”

1 ɛYohana 2:28

ɛLyilyɛghaa wo nyinɛn ninɔn nge ne nzi sim, ne ˆɛ shɛɛ ɛn ndɔ ɛKiriti gha te sɛ ne sɛ ɛtuk ka ne ɛ sɛ tɔɔl le wo, njwɛɛn kyinak ɛnu ɛyisɛ ɛbhɛ tang ɛnik ne ncwa.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.