1 iTasɔlɔnika 2:14 - ɛWee ne ìTsɛm iHywas

¹⁴ Nyinɛn no nigwaa en, ˆɛ kɛ mɛmɛ ɛn ne ɛkɔn ɛlɔ ne ijwira ninaa ne roos ɛTaanggbey ye ndɔ ɛYɛso ɛKiriti gha nɛ nibhɛ so ne ivel ne iYahudiya de. ˆƐ kɛ sɔ ɛn nggbang ɛlɔ ninyi ɛgarang mon na ɛli nɛ nibhɛ kɛ ma sɔ ɛlɔ niYahodawa na.

1 iTasɔlɔnika 2:14 ပူးပေါင်းရင်းမြစ်များ

ɛTomɛ 11:19

Ninaa ne roos sa kaa ne tes en shwaa ɛlɔ ne nggbang ngga ne kaa yaa baasek nibhɛ ɛtsim mɛ ne kɛ phoo ɛSitivin negha, nibhɛ kaa ne bhɛ hɔn iFinikiya, ne iKuburus gbik ne iNtakiya, nibhɛ ne i sanga ibol ɛTaanggbey de ndɔ niYahodawa zɔng.

ɛTomɛ 13:50

niYahodawa na ne shɔk nidɛng ndɔ nikuk ka nɛ nibhɛ so ninaa ne roos ikpii niYahodawa na, ne i naas nibhɛ ne ndiinday gbik nɛ nidɛng nindiinday ɛgarang ngɛ. Nibhɛ ne yaa baasek ɛBulus segha gha ne ɛBanabas sa nggbang, nibhɛ roos nibhɛ ɛgarang nibhɛ gha.

ɛTomɛ 14:19

Nidɛng niYahodawa na ne ji le ne iNtakiya nibhɛ yɛɛs ne iKɔnyum nibhɛ hyere irway ninyi da daa ɛBulus sa. Ninyi na ne phengɛ ɛBulus segha nibhɛ hɔ ɛbhɛ nibhɛ bhɛ hana gɔɔ ɛtsim ɛgarang nibhɛ wɛɛ te ɛ kɛ ku.

ɛTomɛ 14:2

Nidɛng niYahodawa na nɛ nibhɛ kɛ sang nang ne itin nɛ wo ne shɔk ninyi na ne hame nibhɛ soye niYahodawa na, nibhɛ ne yɛk iphup nɛ ninaa ne roos sa.

ɛTomɛ 14:4

Ninaa ɛgarang ngɛ ne hobhoset ɛphaa, nidɛng roos ibol niYahodawa de nidɛng ne ma roos idee ninɔn ne tom ma.

ɛTomɛ 14:5

niYahodawa na nɛ ninyi na ne hame nibhɛ soye niYahodawa na nɛ nindiinday nibhɛ ne byinki ɛnu, nibhɛ yaa hɔ ishishim nɛ ɛBulus sa ne ɛBanabas sa nibhɛ sim tɛ nibhɛ yaa phengɛ nibhɛ.

ɛTomɛ 17:13

Ne sɛ niYahodawa ne iTasɔlɔnika na kɛ phok wu ɛBulus sa sanga ibol ɛTaanggbey de ne iBiriya de, nibhɛ ne phɛ ne iBiriya de nibhɛ bhɛ shɔk ninyi ɛlɔ yɛghaa nggyɛ wo nibhɛ subhus ihywɛɛ nibhɛ.

ɛTomɛ 18:12

Kaa ne sɛ nten de ɛGaliyɔ ɛbhɛ so ɛgɔm-na ne iKaya, niYahodawa na ne rop ɛnu daa ɛBulus sa nibhɛ ne wum ɛbhɛ nibhɛ yɛɛs nɛ ɛlɔ ninaa ne bol ɛshara.

ɛTomɛ 8:1

ɛShawulu gha ne sim ɛli ne kɛ phoo ɛSitivin ne gha. ɛTuk kɛghaa nggyɛ wo ɛgbaang nggbang ne sɛ idira ninaa ne roos de nɛ nibhɛ so ne iYɛrushɛlɛm be. Nibhɛ ne tes en shwaa nibhɛ phɛ ne iYahudiya ne iSamariya. Ninɔn ne tom ma zɔng nibhɛ mak ne iYɛrushɛlɛm be.

ɛTomɛ 8:3

ɛShawulu gha ne yaa baasek idira ninaa ne roos de nggbang gbogbom. Ɛɛ roos idee-idee ɛ wumus niras sɛ nɛ nikuk kɛ ɛ gangat nibhɛ ne ijwee ne nyang.

ɛTomɛ 9:1

ɛShawulu gha kaa ma tɔ baasek ninaa ne roos sa nggbang ngga ɛ sim ɛli ne aa phobho nibhɛ. Ne ɛ phɛ ɛlɔ ɛgɔm nibo gha,

ɛTomɛ 9:13

ɛHananiya gha ne kyii nɛ ɛ yɔngɔ, “ɛDaray, ninyi na gbom kɛ ku tɔng me ibol ɛnyi yɛdee nggyɛ wo, ɛli ne ɛ baasek ninyi mo na nggbang ngga ne iYɛrushɛlɛm be.

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 iKɔrɔntos 7:17

Shɛɛ ɛn ɛli ne ɛ kaa so ɛn nyɛɛn ɛTaanggbey ya kyi yel-le nyini wo. iPhɛ phɛ so ikpii da ne nzi mɛmɛ nɛ ne itumɛ ninaa ne roos sa gbik.

iGalatiya 1:22

Nten nɛdee nggyɛ wo, sɔng ninaa ne roos ɛKiriti gha nɛ nibhɛ so ne iYahudiya de kaa ku yaang me ne irwisɛ nibhɛ nang.

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

1 iTasɔlɔnika 1:6

Ɛ kɛ ne te nyini ninaa ne mɛmɛ ne ihywel mos da ne ivaa ɛDaray da. Gbik ne ihywee ne nggbang ngga ne ɛ kaa sɔ ɛn no, ne ɛ say ɛn ibol de ne irway ihwala idee ne ikabyik ɛTaanggbey de iphɛ i nang.

1 iTasɔlɔnika 3:4

ɛTsak, nten de ne njwi kaa so ne nyinɛn no, njwi kaa ne ku i tɔng nyini wu sɛ baasek njwɛɛn nggbang. Ɛlɛy ne iphɛ kɛ ne te, ɛli ne ˆɛ ku yɛɛ ɛn no.

2 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ ne idira ninaa ne roos ne iTasɔlɔnika, nɛ nibhɛ soye ninaa ɛTaanggbey ne ɛbhɛ ɛ soye ɛKyɛɛ njwɛɛn gbik ne ɛDaray ɛYɛso ɛKiriti.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.