Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 iTasɔlɔnika 2:12 - ɛWee ne ìTsɛm iHywas

12 Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

အခန်းကိုကြည့်ပါ။ ကော်ပီ




1 iTasɔlɔnika 2:12
29 ပူးပေါင်းရင်းမြစ်များ  

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.


Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.


ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.


ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.


Nzi ne bok nyini, hyel ɛn ɛli ne ikabyik ɛTaanggbey de kɛ tɔɔrek nyinɛn, sɔng ɛ roos ɛn nikɔn ne ɛfɔt ta ne ibek ge sim mo nang.


iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.


Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.


Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.


Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.


Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.


ɛLi ne ˆɛ kɛ ku say ɛn ɛYɛso ɛKiriti yegha wu ɛ soye ɛDaray mon na, ne ˆɛ re ɛn ɛnu ɛyisɛ ne shɛɛ ndɔ ɛbhɛ.


ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.


Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.


ɛHaa ne ɛ kɛ yel-le nyini wo, ɛ so sɛ kyinak daa ne ibol ɛbhɛ, aa ne mɔn ɛlɛ wo.


Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.


Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.


Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.


Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.


Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.


ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.


Gbik ɛnyi gha ne ɛ bo wu so ndɔ ɛTaanggbey ya, iphɛ ne so nggbinggbing ɛ hyel ihywel da ɛli ne ɛYɛso ɛKiriti gha kɛ hyel lo.


Ninyi yɛnaa nggyɛ wo ne ˆɛ kɛ phyik nibhɛ wo i naas ishɛɛda ne ishwim mo da ndɔ ne idira ninaa ne roos de. Re ɛnu ɛyisɛ ne phyighis nibhɛ ndɔ ne ihywel nibhɛ da ɛli ne iphɛ yaa nang ɛTaanggbey yegha irway ihwala.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ