1 iTasɔlɔnika 2:11 - ɛWee ne ìTsɛm iHywas

¹¹ Nyinɛn no ˆɛ ne yɛɛ ɛn, njwi kɛ boos ɛrɔngɔ ɛli ne ɛKyɛɛ i boos ninɔn ɛbhɛ.

1 iTasɔlɔnika 2:11 ပူးပေါင်းရင်းမြစ်များ

ɛLuka 16:28

N bok nigwaa iwii ɛnggyɛ wo, te ɛLaazaru gha bhɛ kpɛng nibhɛ, nibhɛ se ma yung ngee lel ɛlɔ ne nggbang ngɛghaa wo.”

ɛTomɛ 20:2

Ne sɛ ɛ kɛ roos nigarang ngɛnaa nggyɛ wo, ɛ bol nɛ ninaa ne roos ivol da ne ifɛ aa tes nibhɛ itsɔngɔl gɛgɛy, ne ɛ ji phɛ ne iGiris.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

1 iTasɔlɔnika 2:7

Njwi kɛ boos nyini ihywɛɛ ɛli ne nikuk i boos ninɔn nishesheng nibhɛ.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

1 iTasɔlɔnika 4:6

Sɔng ɛdɛ mon ne bees ɛgwaa ɛbhɛ irway, ɛ mɔn ɛbhɛ ibebhe daa nikɔn nɛnaa wo nang. Njwi kɛ ku tɔng nyini, njwii ne ta kpɛng nyini wu ɛDaray ya sɛ baasek ninaa ne mɔn nikɔn nɛnaa wo nggbang.

1 iTasɔlɔnika 5:11

iPhɛ ɛlɛy, te ɛrɔngɔ ne te ɛrɔngɔ itsɔngɔl gɛgɛy, te ɛrɔngɔ ryɔng ɛrɔngɔ ɛli ne ɛ ku mɔn ɛn no.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

2 iTasɔlɔnika 2:5

ˆƐ kɛ te ɛn bap ɛli ne nggaa ku tɔng nyini ibol lɛdee wo nten de ne nggaa sonɛ nyinɛn no naa?

2 iTasɔlɔnika 3:12

iHywee nyini yɛdee nggyɛ wo, njwii nep nibhɛ, njwii sin nibhɛ itoro ndɔ ne irywɛɛk ɛDaray ɛYɛso ɛKiriti, njwi bo wu tɛ nibhɛ kyinak ne ihywɛɛ nibhɛ ɛlɔ ɛdaan, nibhɛ mɔn ɛtomɛ ne aa re nɛ nibhɛ.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

1 ɛTimɔti 5:7

Tɔng ninyi na nɛ nikɔn nɛ na wo, ɛlɔ nɛ nibhɛ yaa yung teye ɛkɔn ne tok ɛnu ɛyisɛ ninyi na.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

1 ɛTimɔti 6:2

Nikpuru na nɛ nikyɛɛ ne ijwee nibhɛ na soye ninaa ne roos sa, sɔng nibhɛ shɛɛ tang kyi nang nikyɛɛ ne ijwee nibhɛ na ne ndiinday de daa ɛli nɛ nibhɛ so nigwaa na ndɔ ne roos da nang. Tɛ nikpuru na yang hante ne nang nikyɛɛ ne ijwee nibhɛ na ne ndiinday daa ɛli nɛ nikyɛɛ ne ijwee nibhɛ na nɛ nibhɛ sɛ ɛkɔn daa ɛtomɛ nikpuru na soye ninaa ne roos, i ne sim nibhɛ. iPhɛ so nggbinggbing ˆɛ mɛmɛ ninyi na nɛ nikɔn nɛnaa wo ˆɛ ta kpɛng nibhɛ.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

ɛTitus 2:6

ɛLɛy ne mang, te ninɔn niphas sa itsɔngɔl gɛgɛy tɛ nibhɛ shɛɛ hywɛɛ.

ɛTitus 2:9

Mɛmɛ nikpuru na nɛ tɛ nibhɛ roos ibol nikyɛɛ ne idee nibhɛ na ndɔ nikɔn na gbik. Tɛ nibhɛ mɔn nikɔn na nɛ nikyɛɛ ne idee nibhɛ na yaa phok iyɛnɛng ngɛ. Sɔng nibhɛ kyisi nibhɛ ne ivol nang.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

3 ɛYohana 1:4

Sɔng ɛdɛ ɛkɔn na i nang me irway ihwala da kang ɛli ne i sɛ nggɛ phok wu ninɔn nge na i hyel ndɔ ne itin de nang.