1 iTasɔlɔnika 1:8 - ɛWee ne ìTsɛm iHywas

⁸ iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

1 iTasɔlɔnika 1:8 ပူးပေါင်းရင်းမြစ်များ

ɛTomɛ 18:12

Kaa ne sɛ nten de ɛGaliyɔ ɛbhɛ so ɛgɔm-na ne iKaya, niYahodawa na ne rop ɛnu daa ɛBulus sa nibhɛ ne wum ɛbhɛ nibhɛ yɛɛs nɛ ɛlɔ ninaa ne bol ɛshara.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

iRooma 16:19

Gbik ninyi kɛ ku phok ɛli ne ɛ roos ɛn ibol iyɛnɛng ngge, iphɛ ɛlɛy ne n bok irway ihwala daa ne ibol mon de. Gbik ne iphɛ ɛlɛy, nzi ne sim te ɛ sɛɛ te ɛn ntsɛntsɛng daa ɛkɔn na ne ɛ so ɛyɛnɛng ngɛ, tɛ nyini ninaa nɛ nibhɛ sang sim nibhɛ sɛɛ yaang ibebhe.

1 iKɔrɔntos 14:36

ɛLɔ mon na ne kɛ tsa ne bol ɛTaanggbey dee? Hang ɛlɔ mon na zɔng ne iphɛ kɛ tuu?

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

2 iKɔrɔntos 3:4

Njwi kɛ boote ɛlɛ wo ne irway mos tɔrɔk daa ɛli ne njwi kɛ kyinak ndɔ ɛTaanggbey lenɛ ne ɛKiriti.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

2 iTasɔlɔnika 3:1

ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

3 ɛYohana 1:12

ɛDɛmɛtiriyus sa ne bok ishɛɛda iyɛnɛng ɛlɔ ninyi na gbik. iTin de ne ito ne iphɛ kɛ ma nang ishɛɛda ɛbhɛ. Njwit to njwii ne ma naas ishɛɛda ɛbhɛ de, ˆɛ ne ma ku yɛɛ ɛn wu ishɛɛda mos de so itin nɛ.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.