1 iTasɔlɔnika 1:7 - ɛWee ne ìTsɛm iHywas

⁷ Kɛ ne lenɛ ɛlɛ wo ɛ te nyini ɛkɔn ne mɛmɛ nɛ ɛlɔ ninaa ne roos ne iMakyidɔniya gbik nɛ ninaa ne iKaya na.

1 iTasɔlɔnika 1:7 ပူးပေါင်းရင်းမြစ်များ

ɛTomɛ 1:13

Ne sɛ nibhɛ kɛ bhɛ tuu ndɔ ɛgarang nga, nibhɛ ne bhɛ wara dak ne ijwee ne irywa wo nɛ nibhɛ ku shɛɛ nɛ wo. Ninaa nibhɛ kaa sonɛ wo: ɛBiturus, ɛYohana, ɛYakub, ɛNdarawus, ɛFilibus, ɛToma, ɛBatɔlɔmi, ɛMacu, ɛYakub ne ɛ so ɛngɔn ɛLifiyos, ɛSimɔn ne ɛ kaa sim ɛgarang ɛbhɛ gbom, ne ɛYahuza ne ɛ so ɛngɔn ɛYakub.

ɛTomɛ 16:12

Njwi ne le ɛnggyɛ wo, njwi phɛ ne iFilibi ne ɛ kaa soye ɛgbaang ɛgarang ne iMakyidɔniya de nɛ ninyi ne iRooma kaa lɔl. Njwi ne bonɛ nituk maa njwii shɛɛ ɛnggyɛ wo.

ɛTomɛ 18:1

ɛTsim mɛ ɛlɛy ɛBulus sa ne tek iTina de ɛ phɛ ne iKɔrɔntos.

ɛTomɛ 18:12

Kaa ne sɛ nten de ɛGaliyɔ ɛbhɛ so ɛgɔm-na ne iKaya, niYahodawa na ne rop ɛnu daa ɛBulus sa nibhɛ ne wum ɛbhɛ nibhɛ yɛɛs nɛ ɛlɔ ninaa ne bol ɛshara.

ɛTomɛ 19:21

ɛTsim nikɔn nɛnaa wo, ɛBulus sa ne yaang iphɛ kɛ jam mɛ ɛ phyii roos iMakyidɔniya gbik ne iKaya ɛ phɛ ne iYɛrushɛlɛm. Ne ɛ yɔngɔ, “Yaa sɛ nggɛ bhɛ hɔn ɛnggyɛ wo, iphɛ ne so nggbinggbing mbɛ yaang iRooma.”

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

2 iKɔrɔntos 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

2 iKɔrɔntos 9:2

Nzi ku yɛɛ ɛli ne ɛ bok ɛn irway ne phyik ga. Nggɛ ma yung hal ɛggyɛy ne nyinɛn ndɔ ninyi ne iMakyidɔniya daa ne ibol lɛdee wo, wu nyinɛn ninyi ne iKaya na ɛ kaa ku tum ɛn ibol ne ìnang ngge ne iwal. iHywee ne irway ne nang mon nɛdaa wo kɛ ne ma te nibhɛ kɛ ma yɛk irway ne nang ngɛ ne mang.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

1 iTasɔlɔnika 4:10

ɛTsak, nyinɛn ninaa ne ivel ne iMakyidɔniya na gbik, ɛrɔngɔ i sim ɛrɔngɔ. Gbik ne iphɛ ɛlɛy nigwaa en, njwii ne bok nyini te ˆɛ hante ɛn nɛ gbom.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

1 ɛBiturus 5:3

Sɔng ɛ tes ɛn nyini ninaa ne tɔɔsel igbɔm daa ninyi na ne ɛ hyep ɛn no nang, yang te ɛn nyini ɛkɔn ne mɛmɛ nɛ ɛlɔ nibhɛ gha.