1 iTasɔlɔnika 1:6 - ɛWee ne ìTsɛm iHywas

⁶ Ɛ kɛ ne te nyini ninaa ne mɛmɛ ne ihywel mos da ne ivaa ɛDaray da. Gbik ne ihywee ne nggbang ngga ne ɛ kaa sɔ ɛn no, ne ɛ say ɛn ibol de ne irway ihwala idee ne ikabyik ɛTaanggbey de iphɛ i nang.

1 iTasɔlɔnika 1:6 ပူးပေါင်းရင်းမြစ်များ

ɛMacu 16:24

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ sim aa roos me wo, te ne ɛ mbaray ito ɛbhɛ, ɛ tɔɔk ihon ne gangat ɛbhɛ ɛ kungus me nɛ.

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

ɛTomɛ 13:52

Ninaa ne roos ne iNtakiya na ne yɛk irway ihwala gbom iKabyik ɛTaanggbey ne so ndɔ nibhɛ hyɔrɔ.

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

1 iKɔrɔntos 11:1

Ne ɛ roos ɛn ngkɔɔl nge da ɛli ne nzi ma roos ngkɔɔl ɛKiriti da.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

1 iKɔrɔntos 4:16

iPhɛ ɛlɛy, nzi ne roro ne nyinɛn, mɛmɛ ɛn nɛ ne mee.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

2 iKɔrɔntos 8:5

Nibhɛ ne ma yung nang iphɛ phyin ɛkɔn na ne njwi kaa i tas. Nibhɛ kaa ne tsa nibhɛ nang ɛDaray yegha irway nibhɛ nyɛɛn, nibhɛ ne ma ji nang njwi irway nibhɛ da ɛli ne ɛTaanggbey ya i sim.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 5:1

Daa ɛli ne ˆɛ so ɛn ninɔn ɛTaanggbey ya ne ɛɛ sim nyini gbom mo, ne ˆɛ roos ngkɔɔl ɛTaanggbey da.

iFilibi 3:17

Nigwaa en, nzi sim te ˆɛ sɛ roos ɛn ngkɔɔl nge, tɛ ne ˆɛ ta mɛmɛ ɛn nɛ, nɛ ninyi na nibhɛ kɛ roos ɛkɔn na ne njwi kɛ mɛmɛ nyini nɛ wo.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

2 iTasɔlɔnika 3:7

Ɛ yɛɛ ɛn, nyinɛn no ne ito mon ɛli ne iphɛ kɛ jam mɛ ˆɛ mɛmɛ ɛn ne ɛkɔn daa mos so. Sɔng njwi kaa so ninaa ne itek nten de ne njwi kaa so ɛlɔ mon na nang.

2 iTasɔlɔnika 3:9

Njwi bok igbɔm mɛ ne njwi sɛ yɛk ngɛ ɛ re ɛn ne njwit, sɔng njwi kɛ ne mɔn ɛlɛy nang te njwi teye ɛkɔn ne mɛmɛ nɛ ɛlɔ mon na, ɛ roos ɛn ngkɔɔl mos.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

iBirani 10:34

Ɛ kaa san ɛn iyɔm ninyi nibhɛ so ne nyang. Kaa ne phɔrɔt nikɔn mon ne ihwet, ne ɛ sim ɛn ɛlɛy ne irway ihwala, daa ɛli ne ɛ yɛɛ ɛ bok ɛn nikɔn niyɛnɛng nɛ nibhɛ kɛ jam gbom nibhɛ so ninaa ne inat.

1 ɛBiturus 1:6

iPhɛ ɛlɛy, ne ɛ yɛk ɛn ne irway ihwala gbom, gbik ɛli ne ɛ bok en irway ishwii da ne hame ifɛ yaa phyɔngɔle wo lenɛ ne nggbang ngga ne ɛ sɔ ɛn ihywee-ihywee de ɛlyilyɛghaa wo.

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

1 ɛBiturus 3:13

Wu ˆɛ has ɛn irway ne mɔn iyɛnɛng ngge, wɛlɛng ɛnyi ne aa ne mɔn nyini ne ɛkɔn.

3 ɛYohana 1:11

iGyɛ ɛgwaa nge ne nzi sim, sɔng ˆɛ roos ibebhe de nang, yang roos iyɛnɛng. Gbik ɛnyi gha ne ɛ mɔn ɛkɔn ɛyɛnɛng nga ɛ soye ɛhaa ɛTaanggbey, ɛnyi gha ne ɛ ne mɔn ibebhe de nang, sɔng ɛ yɛɛ ɛTaanggbey yegha nang.