1 iTasɔlɔnika 1:5 - ɛWee ne ìTsɛm iHywas

⁵ Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.

1 iTasɔlɔnika 1:5 ပူးပေါင်းရင်းမြစ်များ

ɛMarakus 16:20

Ninɔn ne icwam ɛYɛso na ne wuusi nibhɛ leesel ndɔ nilɔ na gbarang, nibhɛ bhɛ sanga ɛnu ne ibol iyɛnɛng nga. ɛDaray ya ne i mɔn ɛtomɛ nɛ nibhɛ. Ne ɛ nang nibhɛ ito ne mɔn nikɔn ne kparat gbom te hante ibol nibhɛ de ne ihwet, te i seng wu iphɛ le daa ɛlɔ ɛTaanggbey.]

ɛLuka 1:1

iGyɛ ne ndiinday ɛTiyɔfɔlɔs; ninyi gbom, kɛ ku haa nikɔn na nɛ nibhɛ kaa tes ndɔ njwɛɛn no.

ɛTomɛ 11:21

ɛDaray ya ne phyik ninaa ne roos sɛnaa nggyɛ wo, ninyi gbom ne nang ne itin nɛ, nibhɛ san ɛbɔk nibhɛ yaa roos ɛDaray yegha.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛTomɛ 2:33

Kɛ nang ɛYɛso yegha ne ndiinday, ɛbhɛ so ne iwɔ ne irwye ɛTaanggbey. Ɛ kɛ ne say iKabyik ɛTaanggbey de ne ɛlɔ ɛKyɛɛ gha ɛli ne ku sim-mɛ wo, iphɛ ne ɛ kɛ ne ji sit daa ninyi yɛnaa wo ne ɛ yaang ɛn no, ɛ ta phok ɛn no.

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 2:16

Iphɛ ɛlɛy, ɛli ne ibol iyɛnɛng ngɛdee wo ne nzi sanga wo i bol lo, ɛlɛy ne phɛ sɛ ne te ɛTuk ka ne ɛTaanggbey ya sɛ hyɛ ɛshara gha, lenɛ ne ɛYɛso ɛKiriti gha daa nikɔn na nɛ nibhɛ so igying ndɔ ne irway ninyi da.

1 iKɔrɔntos 1:24

Ɛlɔ ninyi na ne ɛTaanggbey ya kɛ yel-le wo inang, niYahodawa na gbik nɛ ninyi ne hame nibhɛ soye niYahodawa na, ibol lɛdee wo ne soye ɛKiriti ne ɛ so igbom ne ntsɛntsɛng ɛTaanggbey.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

1 iKɔrɔntos 3:6

Mee nggɛ tubhus, ɛPolos sa ne ramas, ɛTaanggbey ɛbhɛ ne yɛk ngɛ ɛkɔn na ne kɛ tup po raras.

1 iKɔrɔntos 4:20

Daa ɛli ne sɔng igbɔm ɛTaanggbey da so daa ne ivol ɛnu nang, ifɛ so daa ne ihwet.

1 iKɔrɔntos 9:14

Ne ma so ɛlɛy ne mang, ɛTaanggbey ya kɛ yɛk ngɛ, ɛ bo wu ninyi na nɛ nibhɛ sanga ibol iyɛnɛng ngge nibhɛ aa ne ma sɛ ire nibhɛ de nɛ ne ndɔ yɛ.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iGalatiya 5:5

Njwit to ne njwi shɛɛ ishwɛɛ ne iKabyik ga, njwi kɛ yɛk ne irway sɛ lenɛ ne ìnang ne itin ndɔ ɛKiriti gha; ɛTaanggbey ya say njwii wu njwi so cik ɛli ne ɛ kaa ku sim-mɛ wo.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 3:20

Te nang ɛTaanggbey ye ne ndiinday, ɛhaa ne ihwet ɛbhɛ i mɔn ɛtomɛ ndɔ njwɛɛn iphɛ te njwɛɛn mɔn nikɔn na nɛ nibhɛ phyin ɛli ne njwɛɛn kɛ phom gbik nɛ ninaa ne njwɛɛn i tas.

iFilibi 2:13

Daa ɛli ne ɛTaanggbey ya ɛbhɛ ɛ mɔn ɛtomɛ ne irway mon da. Ɛbhɛ ɛ ne yɛk ngɛ ˆɛ sim ɛn ɛkɔn na ɛ sim, ˆɛ ta mɔn ɛn ɛbhɛ.

iFilibi 4:9

Gbik ɛkɔn na ne ˆɛ kɛ mɛmɛ ɛn nɛ ɛlɔ nge gha, ne ɛhaa ne ˆɛ kɛ say ɛn ɛlɔ nge gha, ne ɛhaa ne ˆɛ kɛ phok ɛn ɛlɔ nge gha gbik ne ɛhaa ne ˆɛ kɛ yaang ɛn ɛlɔ nge gha, mɔn ɛn nibhɛ. ɛTaanggbey ne irway ne laal da yaa ne shɛɛ ne nyinɛn.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iBirani 6:11

Njwi sim te ɛrɔngɔ sɛ tɔɔl ihywee ɛtomɛ yɛdee wo ɛ phyii bhɛ hɔn itaal lɛ te iphɛ ne te nyini ɛ sɛ ɛn nikɔn na ne ɛ kɛ sit ɛn irwisɛ da.

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛBiturus 5:3

Sɔng ɛ tes ɛn nyini ninaa ne tɔɔsel igbɔm daa ninyi na ne ɛ hyep ɛn no nang, yang te ɛn nyini ɛkɔn ne mɛmɛ nɛ ɛlɔ nibhɛ gha.

2 ɛBiturus 1:10

iPhɛ ɛlɛy, nigwaa en ne ɛ mɔn ɛn ɛkɔn na ne aa yɛɛ ne mɔn ɛn te iphɛ tɔɔrek wu ɛTaanggbey ɛbhɛ kɛ yel-le ɛ ta kasa nyini. Wu ɛ kɛ mɔn ɛn ɛlɛ wo, sɔng aa ne kyibhɛ ɛn ɛ ta ho ɛn nang.

2 ɛBiturus 1:19

iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.