1 iTasɔlɔnika 1:3 - ɛWee ne ìTsɛm iHywas

³ Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 1:3 ပူးပေါင်းရင်းမြစ်များ

ɛYohana 14:15

ɛYɛso gha ne yaak nibhɛ, “Wu ɛ sim ɛn mɛɛn, aa ne roos ɛn ikpii nge da.

ɛYohana 15:10

Wu ɛ kɛ roos ɛn ikpii nge da, aa ne shɛɛ ɛn ndɔ ne ishwim nge da, ɛli ne nggɛ roos ikpii ɛKyɛɛ nge da n da shɛɛ ndɔ ne ishwim ɛbhɛ da.

ɛTomɛ 10:31

Ne ɛ yaak me, ‘ɛKɔnɛliyas, ɛTaanggbey ya kɛ say ivol mo da ne ɛ kɛ bol ne ɛbhɛ wo. Ɛ ne tas ne izɛɛng ngge ne ɛ naas ninyi nihala na.

ɛTomɛ 3:19

iPhɛ ɛlɛy yang, ne ɛ san ɛn ɛbɔk te ɛ kyii ɛn ɛlɔ ɛTaanggbey ya te ɛ kuus nyini ɛfɔt mon no.

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 16:6

Kyili ɛn mɛɛn ɛMɛri ye ne ɛ kɛ mɔn ɛtomɛ gbom ɛlɔ mon.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

1 iTasɔlɔnika 3:6

ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

2 iTasɔlɔnika 1:11

ɛKɔn nɛghaa wo ɛbhɛ kɛ ne te njwii bol ne ɛTaanggbey ya cɛcɛɛy ɛlɔ mon na. Njwii roro ne ɛTaanggbey mos sa te ɛ yaang ˆɛ kɛ jam ɛn ne yel-le ɛbhɛ da ne ɛ kɛ yel-le nyini wo. Te ne lenɛ ne ihwet ɛbhɛ, ɛ shwaak gbik icwas iywɛnɛng mon da, ɛ ta shwaak gbik ɛtomɛ gha ne ɛ le ne ìnang ne itin mon de.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

1 ɛTimɔti 2:3

ɛKɔn nɛghaa wo kɛ jam mɛ, iphɛ ne ma ta nang ɛTaanggbey ne Phɔt njwɛɛn na irway ihwala,

iBirani 10:36

iPhɛ so nggbinggbing ɛ bo ɛn ɛbɔk te ɛ mɔn ɛn ɛkɔn na ne ɛTaanggbey ya sim, te ɛ sɛ ne say ɛn ɛkɔn na ne kaa ku sim-mɛ wo.

iBirani 11:17

Kaa lenɛ ne ìnang ne itin de, ɛBaraying nga ne nang ɛngɔn ɛdaan ɛbhɛ te hap ɛTaanggbey ye ne itsanga, nten de ne kaa tɛɛsek ɛbhɛ ɛBaraying nge gha. ɛBaraying nga ɛ kaa say ibol ne ɛTaanggbey kɛ rop ne ɛbhɛ, gbik ne iphɛ ɛlɛy, ne ɛ jung yɛk ne iyɔk kɛ aa nang ɛngɔn ɛbhɛ gha.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

iBirani 6:15

ɛBaraying nga ne bo ɛbɔk ɛ hyep, ne ɛ say ɛkɔn na ne ɛTaanggbey ya kɛ ku sim-mɛ wo.

1 ɛBiturus 3:4

Te izel lɛ yang teye izee ne irway, kaabi izel ne ihywɛɛ gbik ne ìyak ne ihywɛ sang bees se, ihywɛ so ɛkɔn ne dɛp ɛlɔ ɛTaanggbey.

1 ɛYohana 3:18

Nyinɛn ninɔn nge ne nzi sim, sɔng njwɛɛn tɔɔrek ishwim ba daa ne igbɛrɛ ɛnu nang, te njwɛɛn yang tɔɔrek ifɛ daa ɛtomɛ ne njwɛɛn i mɔn nɛ ne itin nɛ.

1 ɛYohana 3:21

Nitaay nge ne nzi sim, wu izɔlɔs ne irway njwɛɛn da kɛ ne sang tɔɔrek njwɛɛn iben njwɛɛn da, njwɛɛn ne so tɔrɔk ɛnu ɛyisɛ ɛTaanggbey ya,

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.

1 ɛYohana 5:3

iShwim ba ne njwɛɛn i sim ɛTaanggbey yegha so ɛlɛ: te njwɛɛn roos ikpii ɛbhɛ, sɔng ikpii ɛbhɛ da ne so righitik nang,

Nikɔn ne kɛ Phaal 2:19

Nzi yɛɛ nitomɛ mo ne ishwim mo gbik ne ìnang ne itin mo. Nzi ne yɛɛ ɛtomɛ mo gha ne ɛ phyighis nigwaa mo na nɛwo, gbik ne ɛbɔk mo gha. Nzi yɛɛ wu ɛtomɛ mo gha ɛlyilyɛghaa phyin ɛhaa ɛyisɛ mo gha.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.