1 iTasɔlɔnika 1:10 - ɛWee ne ìTsɛm iHywas

¹⁰ ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

1 iTasɔlɔnika 1:10 ပူးပေါင်းရင်းမြစ်များ

ɛMacu 1:21

Aa ne yɛk ɛngɔn ɛras, ɛ sɛ ne yaak ɛngɔn nɛ ɛYɛso, daa ɛli ne ɛbhɛ sɛ phɔt ninyi ɛbhɛ na ndɔ ne ɛfɔt nibhɛ wo.”

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 3:7

niFarisawa na nɛ niSadukyawa gbom kaa ne ma phɛ te bhɛ yɛk nibhɛ ne ibatisima de, ne sɛ ɛYohana gha kɛ yaang nibhɛ wo, ne yaak nibhɛ, “Nyinɛn no ne ɛ so ɛn te izɔ igywebhe de, ɛhay ɛbhɛ kɛ ku shii tɔng nyini te ɛ tel ɛn njenjek ɛTaanggbey de ne ihywɛ yaaso woo?”

ɛLuka 2:25

Nten nɛdee nggyɛ wo, ɛdɛ ɛhelem ma kaa ne sonɛ ndɔ ne iYɛrushɛlɛm de ne kaa bok ɛbhɛ ɛSimiyɔn. Ɛ kaa ne so cik, ne ɛ ta nang ɛTaanggbey ye irway ɛbhɛ gbik. Ɛ kaa ne i hyep aa yaang ɛli ne kɛ phɔt niSɛrɛla na. iKabyik ɛTaanggbey de kaa ne so ndɔ ɛbhɛ.

ɛLuka 3:7

iDira ninyi de kaa ne wuru nibhɛ phɛ ɛlɔ ɛYohana gha te ɛbhɛ yaak nibhɛ ne ibatisima de. ɛYohana gha ne yaak nibhɛ, “Nyinɛn no ne ɛ so ɛn izɔ igywebhe! ɛHay ɛbhɛ kɛ ku shii yaak nyini wu te ɛ tel ɛn njenjek ɛTaanggbey de ne ihywɛ yaaso woo?

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

ɛTomɛ 17:31

ɛTaanggbey ya kɛ ku yɛk ne ɛtuk ne ɛ sɛ bol ɛzay gbik ɛshara ne itin. Ɛ kɛ ne kasa ɛYɛso ye ɛbhɛ so ɛnyi gha ne ɛ sɛ bol ninaa ɛzay ya ɛshara gha. ɛTaanggbey ya kɛ ne tɔɔrek ninyi ɛzay ya ibol lɛdee wo ywɛywɛy ɛli ne ɛ kaa yiisik ɛYɛso yegha tsik ndɔ ne ikpuu da.”

ɛTomɛ 2:24

Gbik ne phɛ ɛlɛy, ɛTaanggbey ya ne yiisik ɛYɛso yegha tsik ndɔ ne ikpuu da. Ɛ kaa sɔ nggbang ndɔ ne iku de, sɔng ɛTaanggbey ya ne sim ɛ shɛɛ ndɔ ne iku de nang, daa ɛli ne sɔng ikpuu da yaa yɛɛ ne boos ɛbhɛ nang.

ɛTomɛ 2:32

ɛTaanggbey ya kaa yiisik ɛYɛso yɛghaa wo tsik ndɔ ne ikpuu da, gbik mos so njwi kaa yaang ɛlɛy ɛtsak.

ɛTomɛ 3:15

Ɛ kaa phoo ɛn ɛHaa ne ɛ nang iken, ɛbhɛ ne ɛTaanggbey ya kɛ ne yiisik ɛbhɛ tsik ndɔ ne ikpuu da. Njwi kaa yaang ɛli nɛ nikɔn nɛnaa wo kɛ tes.

ɛTomɛ 3:21

iPhɛ ne so nggbinggbing ɛYɛso gha ma shɛɛ dak ne irywa wo, ɛ hyep nten de ne ɛTaanggbey ya sɛ kyi ta yɛk ngɛ nikɔn na tes niphas sɛ, ɛli ne ɛ kaa ku bol ne ile de ɛnu ninabawa ɛTaanggbey ya.

ɛTomɛ 4:10

Ne ɛ seng ɛn iphɛ ɛlɛ nyinɛn no gbik nɛ ninyi niSɛrɛla na: ɛnyi yɛghaa wo ne ɛ kɛ kyinak ɛbɛ wo, kɛ te ɛken na lenɛ ne irywɛɛk ɛYɛso ɛKiriti ne iNazarat, ɛhaa ne ɛ kaa gangat ɛn ɛbhɛ wo, ɛhaa ne ɛTaanggbey ya ne kyii yiisik ɛbhɛ tsik ndɔ ne ikpuu da.”

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iFilibi 3:20

Njwɛɛn ne soye ninaa ne igbɔm ɛdaa ne irywa. Njwɛɛn i ne hyep ɛHaa ne Phɔt njwɛɛn ɛDaray ɛYɛso ɛKiriti yegha ne aa le daa ne irywa wo.

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

1 iTasɔlɔnika 1:7

Kɛ ne lenɛ ɛlɛ wo ɛ te nyini ɛkɔn ne mɛmɛ nɛ ɛlɔ ninaa ne roos ne iMakyidɔniya gbik nɛ ninaa ne iKaya na.

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

1 iTasɔlɔnika 2:7

Njwi kɛ boos nyini ihywɛɛ ɛli ne nikuk i boos ninɔn nishesheng nibhɛ.

1 iTasɔlɔnika 5:9

Sɔng ɛTaanggbey ya kɛ kasa njwɛɛn te njwɛɛn sɛ sɔ nggbang ne njenjek ɛbhɛ nang. Ɛ kɛ yang kasa njwɛɛn te njwɛɛn sɛ iphɔrɔt, lenɛ ne ɛDaray njwɛɛn ɛYɛso ɛKiriti gha.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 10:27

ɛKɔn ɛ kɛ mak ɛbhɛ so njwɛɛn yaa yang ku i hyep ɛshara gha ne ɛgbaang ne igboo ndɔ ne ɛnik gbom. iGboo wo ne ifɛ sɛ re ninaa ne iphup ɛTaanggbey ya.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛBiturus 2:21

Daa ɛkɔn nɛghaa wo ne ɛTaanggbey ya kɛ yel-le nyini nɛ. Ɛ kɛ yel-le nyini te ɛ sɔ ɛn nggbang ngga ɛli ne ɛKiriti gha kɛ ma sɔ ɛlɔ mon na. ɛLɛ wo ne ɛ kɛ ne tek nyini ne ngkɔɔl lɛ ne aa roos ɛn.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.